ວັນທີ 11 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍ ເຖິງເວທີເປິກສາຫາລືລະດັບສູງຄັງປັນຍາສື່ມວນຊົນ "ເຂດໂລກໃຕ້".

    ເນື້ອໃນສານຊົມເຊີຍຂອງທ່ານສີຈິ້ນຜິງຊີ້ອອກວ່າ: ປະຈຸບັນ, ເຂດໂລກໃຕ້ພວມເຕີບໃຫຍ່ຂະຫຍາຍ ຕົວຢ່າງໃຫຍ່ຫຼວງ ແລະ ນັບມື້ນັບມີບົດບາດສຳຄັນເພີ່ມຂຶ້ນໃນພາລະກິດຄວາມ ກ້າວໜ້າຂອງມວນມະນຸດ. ຈີນແມ່ນສະມາຊິກຂອງເຂດໂລກໃຕ້ແລະເປັນປະເທດພວມພັດທະນາຢ່າງສະເໝີຕົ້ນສະເໝີປາຍ, ຍິນດີຮ່ວມກັບປະເທດເຂດ ໂລກໃຕ້ຈຳນວນຫຼວງຫຼາຍປະຕິບັດລັດທິຫຼາຍຝ່າຍຢ່າງແທ້ຈິງ, ສົ່ງເສີມໃຫ້ໂລກມີຫຼາຍຂົ້ວແບບສະເໝີພາບ ແລະ ເປັນລະບຽບ, ເສດຖະກິດໂລກາພິວັດແບບຕ່າງຝ່າຍຕ່າງໄດ້ຮັບຜົນປະໂຫຍດແລະຫວມລວມ, ເກາະແຂນກັນຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.

    ເວທີເປິກສາຫາລືລະດັບສູງຄັງປັນຍາສື່ມວນຊົນ “ເຂດໂລກໃຕ້" ໄດ້ໄຂຂຶ້ນຢູ່ເມືອງຊາວ ເປົາໂລ, ປະເທດເບຣຊິນໂດຍແມ່ນຂ່າວສານຊິນຮວາແລະບໍລິສັດ ສື່ສານເບຣຊິນຮ່ວມກັນຈັດຂຶ້ນໃນມື້ດຽວກັນ, ທ່ານ ລູລາ ດາ ຊີມວາ ປະທານາທິບໍດີເບຣຊິນໄດ້ສົ່ງສານ ຊົມເຊີຍເຖິງເວທີເປິກສາຫາລືດັ່ງກ່າວເຊັ່ນດຽວກັນ.