ວັນທີ 11 ພະຈິກນີ້, ທ່ານຕິ່ງເຊວ່ຊຽງ ກຳມະການປະຈຳກົມການເມືອງສູນກາງພັກຄອມມູນິດຈີນ ຮອງນາຍົກລັດຖະມົນຕີຈີນໄດ້ພົບປະກັບທ່ານ ລໍເຣັນສ ວອງ ນາຍົກລັດຖະມົນຕີສິງກະໂປຢູ່ສິງກະໂປ.

    ທ່ານຕິງເຊວ່ຊຽງ ກ່າວວ່າ: ປັດຈຸບັນ, ລັດທິປົກປ້ອງການຄ້າທົ່ວໂລກໄດ້ປາກົດຕົວຂຶ້ນມາອີກ, ລັດທິຝ່າຍດຽວໄດ້ແຜ່ລາມອອກເປັນວົງກວ້າງ, ຈີນຍິນດີຮ່ວມກັບສິງກະໂປຮັກສາການແລກປ່ຽນກ່ຽວກັບຫົວຂໍ້ຍຸດທະສາດທີ່ສຳຄັນໃນສາກົນ ແລະ ພາກພື້ນ, ຮ່ວມກັນປົກປັກຮັກສາຂະບວນໂລກາພິວັດດ້ານເສດຖະກິດ. ຈີນຍິນດີຕ້ອນຮັບວິສາຫະກິດຕ່າງປະເທດຫຼາຍກວ່າເກົ່າ ລວມວິສາຫະກິດສິງກະໂປໄປລົງທຶນ ແລະ ດຳເນີນທຸລະກິດຢູ່ຈີນ, ຮ່ວມກັນສ້າງອະນາຄົດທີ່ດີງາມ.

    ທ່ານລໍເຣັນສ ວອງ ກ່າວວ່າ: ສິງກະໂປຍິນດີຮ່ວມກັບຈີນລົງເລິກການແລກປ່ຽນ ແລະ ການຮ່ວມມືໃນຂົງເຂດຕ່າງໆ ເຊັ່ນ: ເສດຖະກິດການຄ້າ, ວິທະຍາສາດເຕັກໂນໂລຊີ, ວັດທະນະທຳ ແລະອື່ນໆ, ບັນລຸການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ, ສ້າງຄວາມສຸກໃຫ້ແກ່ສອງປະເທດ ແລະ ປະຊາຊົນສອງຊາດຫຼາຍກວ່າເກົ່າ. ສິງກະໂປຍິນດີເສີມຂະຫຍາຍບົດບາດທີ່ມີລັກສະນະສ້າງສັນໃຫ້ແກ່ການພັດທະນາສາຍພົວພັນອາຊຽນ-ຈີນ, ຮ່ວມກັນກັບຈີນປົກປັກຮັກສາການຄ້າເສລີ, ຊຸກຍູ້ສະຖຽນລະພາບ ແລະ ການເປີດປະຕູຂອງພາກພື້ນ.

    ໃນມື້ດຽວກັນ, ທ່ານຕິ່ງເຊວ່ຊຽງ ໄດ້ເຂົ້າຢ້ຽມຄຳນັບທ່ານທາມານ ຊານມູກາຣາດນາມ ປະທານາທິບໍດີສິງປະໂປ.