ວັນທີ 11 ພະຈິກນີ້, ທ່ານລີນຈ້ຽນ ໂຄສົກກະຊວງການຕ່າງປະເທດຈີນໄດ້ຈັດກອງປະຊຸມຖະແຫຼງຂ່າວ.

    ມີນັກຂ່າວຖາມວ່າ:ຈີນໄດ້ແຈ້ງໃຫ້ຮູ້ຂ່າວກ່ຽວກັບທ່ານເຊີເກ ຊອຍກູ ເລຂາທິການສະພາຄວາມໝັ້ນຄົງແຫ່ງສະຫະພັນຣັດເຊຍເດີນທາງມາປະເທດຈີນເພື່ອເຂົ້າຮ່ວມການເປິກສາຫາລືຄວາມໝັ້ນຄົງຍຸດທະສາດຄັ້ງທີ 19 ແລະກອງປະຊຸມກົນໄກການຮ່ວມມືກ່ຽວກັບການປະຕິບັດກົດໝາຍຄວາມໝັ້ນຄົງຄັ້ງທີ 9ລະຫວ່າງຈີນ-ຣັດເຊຍ,ຂໍໃຫ້ທ່ານໂຄສົກແນະນຳສະພາບທີ່ກ່ຽວຂ້ອງໃຫ້ຮູ້ໄດ້ບໍ່?

    ຕໍ່ກັບເລື່ອງນີ້, ທ່ານລີນຈ້ຽນຕອບວ່າ: ລະຫວ່າງວັນທີ 11 ຫາທີ 15ພະຈິກນີ້, ທ່ານວາງຢີ້ກຳມະການກົມການເມືອງສູນກາງພັກຄອມມູນິດຈີນ ລັດຖະມົນຕີກະຊວງການຕ່າງປະເທດຈີນໄດ້ເປັນປະທານການເປິກສາຫາລືຄວາມ

ໝັ້ນຄົງຍຸດທະສາດປະຈຳປີ ແລະກອງປະຊຸມກົນໄກການຮ່ວມມືປະຕິບັດກົດໝາຍ ຄວາມໝັ້ນຄົງຄັ້ງທີ 9  ລະຫວ່າງຈີນ-ຣັດເຊຍກັບທ່ານເຊີເກ ຊອຍກູທີ່ມາຈີນຕາມຄຳເຊີນ ໂດຍມີຈຸດປະສົງເພື່ອຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນອັນສຳຄັນຂອງປະມຸກລັດສອງປະເທດທີ່ໄດ້ພົບປະ ແລະ ຕົກລົງກັນໃນປີນີ້, ພ້ອມທັງແລກປ່ຽນຄວາມຄິດຄວາມເຫັນຢ່າງເລິກເຊິ່ງ, ປະສານຈຸດຢືນ ແລະ ເພີ່ມທະວີຄວາມໄວ້ເນື້ອເຊື່ອໃຈກັນດ້ານການພົວພັນລະຫວ່າງສອງປະເທດ ລວມທັງບັນຫາສຳຄັນທີ່ກ່ຽວຂ້ອງເຖິງຜົນປະໂຫຍດດ້ານຄວາມໝັ້ນຄົງຍຸດທະສາດຂອງສອງປະເທດ.