ວັນທີ 12 ພະຈິກນີ້, ທ່ານວາງຢີ້, ກຳມະການກົມການເມືອງສູນກາງພັກຄອມມູນິດຈີນ, ຫົວໜ້າຫ້ອງວ່າການຄະນະກຳມະການວຽກງານການຕ່າງປະເທດຂອງຄະນະກຳມະການສູນກາງພັກຄອມມູນິດຈີນ ແລະທ່ານ ເຊີເກ ຊອຍກູ ເລຂາທິການສະພາຄວາມໝັ້ນຄົງແຫ່ງສະຫະພັນຣັດເຊຍ ໄດ້ຮ່ວມກັນເປັນປະທານ ກອງປະຊຸມເປິກສາຫາລືຄວາມໝັ້ນຄົງຍຸດທະສາດຈີນ-ຣັດເຊຍຄັ້ງທີ 19 .

    ທ່ານວາງຢີ້ກ່າວວ່າ: ການຊີ້ນຳນຳພາຂອງປະມຸກລັດສອງປະເທດແມ່ນທ່າແຮງທາງດ້ານການເມືອງໃຫຍ່ທີ່ສຸດ ແລະ ການຮັບປະກັນຂັ້ນພື້ນຖານຂອງການພັດທະນາສາຍພົວພັນລະຫວ່າງຈີນ-ຣັດເຊຍທີ່ມີຄຸນນະພາບສູງ. ພວກຂ້າພະເຈົ້າຍິນດີຮ່ວມກັບຣັດເຊຍສຸມໃສ່ຕິດຕາມການຜັນແປຂອງສະພາບການສາກົນ, ດຳເນີນການແລກປ່ຽນ ແລະ ການປະສານງານຢ່າງໃກ້ຊິດ, ເພີ່ມທະວີການປະສານງານຫຼາຍຝ່າຍ, ຮ່ວມກັນປົກປັກຮັກສາສະຖຽນລະພາບດ້ານຍຸດທະສາດໃນທົ່ວໂລກ.

    ທ່ານ ເຊີເກ ຊອຍກູ ກ່າວວ່າ: ທ່ານສີຈິ້ນຜິງ ປະທານປະເທດຈີນໄດ້ເດີນທາງໄປເຂົ້າຮ່ວມກອງປະຊຸມສຸດຍອດຜູ້ນຳປະເທດ ບຣິກສ ຢູ່ນະຄອນຄາຊານຂອງຣັດເຊຍໃນຫວ່າງມໍ່ໆມານີ້, ເຊິ່ງເປັນການສະໜັບສະໜູນອັນໃຫຍ່ຫຼວງທີ່ສຸດຕໍ່ຣັດເຊຍທີ່ເປັນ ປະເທດປະທານໝູນວຽນ, ໄດ້ປະກອບສ່ວນສຳຄັນເຂົ້າໃນຜົນສຳເລັດຂອງກອງປະຊຸມສຸດຍອດຄາຊານ ແລະເພີ່ມທະວີການຮ່ວມມືລະຫວ່າງປະເທດເຂດໂລກໃຕ້. ຣັດເຊຍຍິນດີຮ່ວມກັບຈີນເພີ່ມທະວີການປະສານສົມທົບກັນຜ່ານກົນໄກຫຼາຍຝ່າຍ ຄື: ອົງການສະຫະປະຊາຊາດ, ອົງການຮ່ວມມືຊຽງໄຮ້ ແລະບຣິກສ ເປັນຕົ້ນ.