ວັນທີ 12 ພະຈິກນີ້,ໃນກອງປະຊຸມສະພາຄວາມໝັ້ນຄົງອົງການສະຫະປະຊາຊາດ, ທ່ານຟູ້ຊົ່ງ ຜູ້ຕາງໜ້າຖາວອນຈີນປະຈຳອົງການສະຫະປະຊາຊາດກ່າວວ່າ:ບັນຫາມະນຸດສະທຳຫັນເປັນບັນຫາການເມືອງບໍ່ໄດ້,ຄວາມອຶດຫິວຍິ່ງຫັນເປັນອາວຸດບໍ່ໄດ້,ນີ້ແມ່ນເສັ້ນຕ້ອງຫ້າມຕ່ຳສຸດທີ່ກຳນົດໄວ້ຢູ່ໃນກົດໝາຍວ່າດ້ວຍມະນຸດສະທຳສາກົນ.

     ທ່ານຟູ້ຊົ່ງກ່າວຕື່ມວ່າ: ຍ້ອນການປະທະກັນຢູ່ເຂດກາຊາແກ່ຍາວມາເປັນເວລາ 13 ເດືອນ, ຄວາມຕ້ອງການຂອງປະຊາຊົນສາມັນຖືກຕັດຮອນລົງເລື້ອຍໆ,ເສັ້ນຕ້ອງຫ້າມຕ່ຳສຸດດ້ານມະນຸດສະທຳທັງໝົດຖືກລ່ວງລະເມີດຫຼາຍເທື່ອ.ດ້ານໜຶ່ງ, ອິດສະຣາແອນສະກັດກັ້ນການເຄື່ອນໄຫວດ້ານມະນຸດສະທຳ, ອີກດ້້ານໜຶ່ງແມ່ນໄດ້ກ່າວປະນາມອົງການມະນຸດສະທຳ ແລະ ອົງການສະຫະປະຊາຊາດບໍ່ໄດ້ເຮັດວຽກຢ່າງມີປະສິດທິຜົນ,ສິ່ງນີ້ແມ່ນບໍ່ສາມາດຍອມຮັບເອົາໄດ້.

    ທ່ານຟູ້ຊົ່ງຮຽກຮ້ອງໃຫ້ອິດສະຣາແອນຈົ່ງດຳເນີນການຮ່ວມມືກັບພາກສ່ວນມະນຸດສະທຳຢ່າງຮອບດ້ານ ເຊັ່ນ:ອົງການສະຫະປະຊາຊາດເປັນຕົ້ນ ຮັບປະກັນຄວາມປອດໄພ ແລະ ຄວາມສະດວກໃນການເຄື່ອງໄຫວຂອງພາກສ່ວນມະນຸດສະທຳ.