ໂທລະພາບສູນກາງຈີນ ຫຼື CGTN ໄດ້ຮ່ວມກັບມະຫາວິທະຍາໄລເຢິນມິນຂອງຈີນ ໄດ້ແຈກຢາຍແບບສອບຖາມຕໍ່ຜູ້ຕອບແບບສອບຖາມ 7.658 ຄົນໃນ 38 ປະເທດ ແລະ ເຂດແຄວ້ນຢູ່ໃນໂລກ ສະແດງໃຫ້ເຫັນວ່າ: ມີຜູ້ຕອບແບບສອບຖາມ 90,3% ເຫັນວ່າ: ການຮັບມືກັບການປ່ຽນແປງຂອງດິນຟ້າອາກາດເປັນໜ້າທີີ່ຮີບດ່ວນທີ່ສຸດ, ປະຊາຄົມໂລກຕ້ອງເຕົ້າໂຮມຄວາມເຫັນທີ່ເປັນເອກະພາບກັນ ແລະ ນຳໃຊ້ການເຄື່ອນໄຫວຕົວຈິງຫຼາຍກວ່າເກົ່າ.

ຜົນການສຳຫຼວດຄວາມຄິດເຫັນສະແດງໃຫ້ເຫັນວ່າ: ມີຜູ້ຕອບແບບສອບຖາມທົ່ວໂລກ 90,4% ເຫັນວ່າ: ໃນຊຸມປີຜ່ານມາ, ສະພາບອາກາດຮ້າຍແຮງທີ່ສຸດໃນທົ່ວໂລກໄດ້ເກີດຂຶ້ນຫຼາຍກວ່າເກົ່າຢ່າງຫຼວງຫຼາຍ; ມີຜູ້ຕອບແບບສອບຖາມ 87,3% ເຫັນວ່າ: ເຫດການສະພາບອາກາດຮ້າຍແຮງທີ່ສຸດໄດ້ເກີດຂຶ້ນເລື້ອຍໆສະແດງໃຫ້ເຫັນວ່າ: ສະພາບດິນຟ້າອາກາດໃນທົ່ວໂລກພວມຊຸດໂຊມລົງຢ່າງວ່ອງໄວ; ມີຜູ້ຕອບແບບສອບຖາມ 89,8% ໄດ້ເອົາໃຈໃສ່ເປັນພິເສດ ຫຼື ເອົາໃຈໃສ່ບັນຫາຮັບມືກັບການປ່ຽນແປງຂອງດິນຟ້າອາກາດ.

ຜົນການສຳຫຼວດຄວາມຄິດເຫັນຍັງສະແດງໃຫ້ເຫັນວ່າ: ເມື່ອທຽບໃສ່ຜູ້ຕອບແບບສອບຖາມຂອງປະເທດທີ່ພັດທະນາແລ້ວ, ຜູ້ຕອບແບບສອບຖາມຂອງປະເທດພວມພັດທະນາມີຄວາມປາຖະໜາຢາກມີການປ່ຽນແປງໃໝ່ໃນຫົວຂໍ້ການຮັບມືກັບການປ່ຽນແປງຂອງດິນຟ້າອາກາດ ພ້ອມທັງໄດ້ສະແດງໃຫ້ເຫັນເຖິງຄວາມຕັດສິນໃຈ ແລະ ຄວາມກ້າຫານຫຼາຍກວ່າ.