ວັນທີ 13 ພະຈິກນີ້, ທ່ານເຣເຊັບ ໄຕຢິບ ເອໂດກັນ ປະທານາທິບໍດີຕູຣາເຄຍປະກາດວ່າ: ຕູຣາເຄຍໄດ້ຕັດສາຍພົວພັນກັບອິດສະຣາແອນ, ໃນຕໍ່ໜ້າຈະບໍ່ນຳໃຊ້ມາດຕະການໃດໆເພື່ອສືບຕໍ່ຫຼືຂະຫຍາຍສາຍພົວພັນລະຫວ່າງສອງຝ່າຍ.

ໃນໄລຍະ 10 ກວ່າປີຜ່ານມານີ້, ການພົວພັນລະວຫ່າງຕູຣາເຄຍ-ອິດສະຣາແອນມີການປ່ຽນແປງຫຼາຍຄັ້ງ. ເດືອນສິງຫາປີ 2022, ສອງປະເທດໄດ້ຟື້ນຟູສາຍພົວພັນທາງການທູດ ແລະ ສົ່ງເອກອັກຄະລັດຖະທູດໄປປະຈຳຢູ່ປະເທດຂອງກັນແລະກັນຄືນໃໝ່. ແຕ່ຫຼັງຈາກປາແລັດສະຕິນກັບອິດສະຣາແອນເກີດການປະທະກັນຮອບໃໝ່ເມື່ອວັນທີ 7 ເດືອນຕຸລາປີ 2023ເປັນຕົ້ນມາ, ການພົວພັນຂອງສອງປະເທດຊຸດໂຊມລົງອີກຄັ້ງ. ຄຽງຄູ່ກັບອິດສະຣາແອນຍົກລະດັບການເຄື່ອນໄຫວທາງການທະຫານຕໍ່ເຂດກາຊາ, ລັດຖະບານຕູຣາເຄຍໄດ້ກ່າວປະນາມຢ່າງເຄັ່ງຂຶມຫຼາຍເທື່ອ. ເດືອນພະຈິກປີກາຍນີ້, ກະຊວງການຕ່າງປະເທດຕູຣາເຄຍໄດ້ປະກາດວ່າ: ຍ້ອນວ່າອິດສະຣາແອນໂຈມຕີປະຊາຊົນສາມັນຂອງປາແລັດສະຕິນຢ່າງຕໍ່ເນື່ອງ ແລະ ກໍ່ໂສກນາດຕະກຳດ້ານມະນຸດສະທຳຢູ່ເຂດກາຊາ, ຕູຣາເຄຍຈິ່ງຕົກລົງຮຽກເອກອັກຄະລັດຖະທູດປະເທດຕົນປະຈຳອິດສະຣາແອນກັບຄືນປະເທດ.