ຫວ່າງມໍ່ໆມານີ້, ໂທລະພາບສາກົນຈີນ ຫຼື CGTN ຂອງວິທະຍຸໂທລະພາບສູນກາງຈີນ ຫຼື CMG ຮ່ວມກັບມະຫາວິທະຍາໄລເຢິນມິນຈີນໄດ້ດຳເນີນການສຳຫຼວດຄວາມເຫັນຂອງບຸກຄົນທີ່ມາຈາກ 38 ປະເທດໃນທົ່ວໂລກຈຳນວນ7.658 ຄົນ ໂດຍສະແດງໃຫ້ເຫັນວ່າ: ຜູ້ຕອບແບບສອບຖາມກວມ 83,5% ໄດ້ຕີລາຄາຕໍ່ຄວາມພະຍາຍາມ ແລະ ການປະກອບສ່ວນຢ່າງຕັ້ງໜ້າຂອງຈີນເຂົ້າໃນການປັບປຸງສະພາບດິນຟ້າອາກາດໂລກ.

    ຜົນການສຳຫຼວດຄວາມຄິດເຫັນເທື່ອນີ້,ຜູ້ຕອບແບບສອບຖາມທົ່ວໂລກກວມ 82,6% ເຫັນວ່າ:ຄວາມພະຍາຍາມທີ່ຈີນຊ່ວຍເຫຼືອປະເທດພວມພັດທະນາໃຫ້ຮັບມືກັບການປ່ຽນແປງຂອງດິນຟ້າອາກາດມີລັກສະນະຕັ້ງໜ້າ,ສ່ວນຜູ້ຕອບແບບສອບຖາມກວມ 82,7% ເຫັນວ່າຈີນໄດ້ສະໜອງສະຕິປັນຍາແລະ ແຜນການຂອງຈີນເພື່ອການປັບປຸງສະພາບດິນຟ້າອາກາດໂລກ.

     ຜູ້ຕອບແບບສອບຖາມໃນການສຳຫຼວດຄວາມເຫັນເທື່ອນີ້ແມ່ນມາຈາກປະເທດທີ່ພັດທະນາແລ້ວ ເຊັ່ນ: ອາເມຣິກາ,ເຢຍລະມັນ, ຍີ່ປຸ່ນ ແລະ ປະເທດອື່ນໆ ຍັງລວມທັງຜູ້ຕອບແບບສອບຖາມທີ່ມາຈາກປະເທດພວມພັດທະນາ ເຊັ່ນ:ອາກຊັງຕິນ, ອິນເດຍ, ເຄັນຢາ ແລະປະເທດອື່ນໆ.