ວັນທີ 14 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານນາງດີນາ ໂບລູອາເຕ ປະທານາທິບໍດີເປຣຢູ່ທຳນຽບປະທານາທິບໍດີທີ່ລີມາ.

    ທ່ານສີຈິ້ນຜິງຊີ້ອອກວ່າ:ນັບແຕ່ຂ້າພະເຈົ້າຢ້ຽມຢາມເປຣທາງລັດຖະກິດຄັ້ງທຳອິດໃນປີ 2016 ເປັນຕົ້ນມາ,ພາຍໃຕ້ຄວາມພະຍາຍາມຮ່ວມຂອງສອງຝ່າຍ,ຍອດມູນຄ່າການຄ້າລະຫວ່າງຈີນ ກັບ ເປຣູໄດ້ເພີ່ມຂຶ້ນ 1,6 ເທົ່າ,ມູນຄ່າການລົງທຶນຕໍ່ເປຣູຂອງວິສາຫະກິດຈີນໄດ້ເພີ່ມຂຶ້ນໜຶ່ງເທົ່າ,ສັນຍາການຄ້າເສລີຈີນ-ເປຣູໄດ້ສຳເລັດການຍົກລະດັບສູງຂຶ້ນ,ທັງໝົດເຫຼົ່ານີ້ໄດ້ສ້າງຜົນປະໂຫຍດຕົວຈິງໃຫ້ແກ່ປະຊາຊົນສອງຊາດ.

    ທ່ານສີຈິ້ນຜິງກ່າວຕື່ມວ່າ: ຈີນຍິນດີຮ່ວມກັບເປຣູ ເພື່ອສ້າງເສັ້ນທາງສາຍໃໝ່ທາງບົກ-ທາງທະເລລະຫວ່າງຈີນ ກັບ ອາເມຣິກາລາຕິນ,ເຮັດໃຫ້ເສັ້ນທາງອິນຄາ ກັບ ເສັ້ນທາງສາຍໄໝທາງທະເລສະຕະວັດທີ 21 ເຊື່ອມຕໍ່ກັນ,ເປີດເສັ້ນທາງພ້ອມກັນຈະເລີນ ແລະ ມີຄວາມສຸກໃຫ້ແກ່ເປຣູ ລວມທັງປະເທດອາເມຣິກາລາຕິນ ແລະ ກາລາອິບຈຳນວນຫຼວງຫຼາຍ.