ວັນທີ 15 ພະຈິກນີ້, ທ່ານ ລິວເຕີຈວິ່ນ ໂຄສົກອົງການຕຳຫຼວດຍາມຝັ່ງທະເລຈີນໄດ້ກ່າວຄຳເຫັນກ່ຽວກັບຟີລິບປິນສົ່ງເຄື່ອງໃຊ້ປະຈຳວັນໄປໃຫ້ແກ່ກຳປັ່ນທະຫານຟີລິບປິນທີ່ຈອດຄ້າງໄວ້ຢູ່ຫາດເຣີນອ້າຍຂອງຈີນແບບຜິດກົດໝາຍ.

    ທ່ານ ລິວເຕີຈວິ່ນ ກ່າວວ່າ: ວັນທີ 14 ພະຈິກນີ້, ໂດຍໄດ້ຮັບການອະນຸຍາດຈາກຈີນ, ຟີລິບປິນໄດ້ໃຊ້ເຮືອພົນລະເຮືອນລຳໜຶ່ງໄປຂົນສົ່ງເຄື່ອງໃຊ້ປະຈຳວັນໃຫ້ແກ່ກຳປັ່ນທະຫານຟີລິບປິນທີ່ຈອດຄ້າງໄວ້ຢູ່ຫາດເຣີນອ້າຍຂອງຈີນແບບຜິດກົດໝາຍ, ຕຳຫຼວດຍາມຝັ່ງທະເລຂອງຈີນໄດ້ສອບຖາມເຮືອທີ່ກ່ຽວຂ້ອງເພື່ອຢືນຢັນຂໍ້ມູນ ພ້ອມທັງຕິດຕາມໃນທຸກຂັ້ນຕອນ. ຈີນຫວັງວ່າຟີລິບປິນຈະປະຕິບັດຕາມຄຳໝັ້ນສັນຍາ, ມຸ່ງໜ້າໄປສູ່ທິດທາງດຽວກັນກັບຈີນ, ຮ່ວມກັນຄວມຄຸມສະພາບການທາງທະເລໃຫ້ດີ. ຕຳຫຼວດຍາມຝັ່ງທະເລຂອງຈີນຈະສືບຕໍ່ດຳເນີນການປະຕິບັດກົດໝາຍເພື່ອປົກປ້ອງສິດຂອງຕົນຢູ່ໝູ່ເກາະນານຊ່າ ແລະ ເຂດທະເລໃກ້ຄຽງ ເຊິ່ງລວມທັງຫາດເຣີນອ້າຍ.