ວັນທີ 14 ພະຈິກນີ້, ທ່ານລີນຈ້ຽນ ໂຄສົກກະຊວງການຕ່າງປະເທດຈີນໄດ້ຈັດກອງປະຊຸມຖະແຫຼງຂ່າວ.ມີນັກຂ່າວຖາມວ່າ:ຕາມຂ່າວແຈ້ງວ່າ,ໂຄສົກກອງທັບຟິລິບປິນກ່າວວ່າກອງທັບຟິລິບປິນກຳລັງພິຈາລະນາຈັດຊື້ລະບົບຍິງລູກສອນໄຟໄລຍະກາງ “ທາຍພອນ”, ສ່ວນທ່ານກິວເບີໂຕ ເທວໂດໂຣ ລັດຖະມົນຕີກະຊວງປ້ອງກັນປະເທດຟິລິບປິນກໍ່ກ່າວວ່າ ຟິລິບປິນ “ບໍ່ປະລະສິດສ້າງຄວາມສາມາດແນວນີ້ຢູ່ຜືນແຜ່ນດິນຂອງປະເທດຕົນໃນອະນາຄົດ”. ຈີນມີຄວາມເຫັນຄືແນວໃດຕໍ່ກັບເລື່ອງນີ້?

    ທ່ານລີນຈ້ຽນຕອບວ່າ:ກ່ຽວກັບອາເມຣິກາຕິດຕັ້ງລະບົບລູກສອນໄຟໄລຍະກາງຢູ່ຟິລິບປິນ, ຈີນໄດ້ສະແດງທ່າທີຄັດຄ້ານຢ່າງເດັດດ່ຽວມາຫຼາຍເທື່ອແລ້ວ. ຂ້າພະເຈົ້າຢາກເນັ້ນໜັກອີກເທື່ອໜຶ່ງວ່າ:ຟິລິບປິນນຳເຂົ້າລະບົບລູກ

ສອນໄຟໄລຍະກາງແມ່ນການທ້າທາຍເກາະຜິດ ແລະ ການກະທຳທີ່ເປັນອັນຕະລາຍ, ບໍ່ມີຄວາມຮັບຜິດຊອບທີ່ສຸດຕໍ່ປະຊາຊົນຂອງປະເທດຕົນ ແລະ ບັນດາປະເທດໃນອາຊີຕາເວັນອອກສຽງໃຕ້ ລວມທັງດ້ານປະຫວັດສາດ ແລະ ຄວາມໝັ້ນຄົງໃນພາກພື້ນ.

    ທ່ານລີນຈ້ຽນກ່າວເນັ້ນວ່າ:ພາກພື້ນນີ້ແມ່ນຕ້ອງການສັນຕິພາບ ແລະຄວາມຈະເລີນຮຸ່ງເຮືອງ, ບໍ່ຕ້ອງການລູກສອນໄຟໄລຍະກາງ ແລະການເປັນປໍລະປັກກັນ. ຈີນຮຽກຮ້ອງໃຫ້ຟິລິບປິນອີກເທື່ອໜຶ່ງຈົ່ງປະຕິບັດຕໍ່ຄວາມຮຽກຮ້ອງຂອງບັນດາປະເທດ ແລະ ປະຊາຊົນໃນພາກພື້ນຢ່າງຖືກຕ້ອງ, ແກ້ໄຂຄວາມຜິດພາດໂດຍໄວ, ຖອນລະບົບລູກສອນໄຟໄລຍະກາງ“ທາຍພອນ” ໂດຍໄວໂດຍອີງຕາມຄຳໝັ້ນສັນຍາເປີດເຜີຍທີ່ໄດ້ປະກາດໄວ້ກ່ອນໜ້ານີ້.