ວັນທີ 14ພະຈິກ2024, ເນື່ອງໃນໂອກາດທ່ານສີຈິ້ນຜິງ ປະທານປະເທດຈີນ ເດີນ ທາງໄປເຖິງນະຄອນຫຼວງລີມາປະເທດເປຣູ ເພື່ອຢ້ຽມຢາມເປຣູທາງ ລັດຖະກິດ ແລະ ເຂົ້າຮ່ວມກອງປະຊຸມຜູ້ນຳເສດຖະກິດອົງການ ຮ່ວມມືເສດຖະກິດອາຊີປາຊີຟິກຫຼືAPECຄັ້ງທີ31, ໜັງສືພິມ El Peruano ຂອງເປຣູໄດ້ລົງພິມບົດຄວາມຂອງທ່ານສີຈິ້ນຜິງທີ່ພາດຫົວເລື່ອງວ່າ: “ເຮັດໃຫ້ເຮືອມິດຕະ ພາບຈີນ-ເປຣູເດີນທາງກ້າວໄປຂ້າງໜ້າຢ່າງບໍ່ຢຸດຢັ້ງ”.

   ບົດຄວາມຂອງທ່ານສີຈິ້ນຜິງມີເນື້ອໃນບາງຕອນວ່າ: “ນີ້ເປັນເທື່ອທີສອງທີ່ຂ້າ ພະເຈົ້າຢ້ຽມຢາມເປຣູທາງລັດຖະກິດ ເຊິ່ງເປັນປະເທດເພື່ອນບ້ານໃກ້ຄຽງຂອງ ຈີນຢູ່ຟາກຝັ່ງມະຫາສະໝຸດປາຊີຟິກພາຍຫຼັງຂ້າພະເຈົ້າດຳລົງຕຳແໜ່ງເປັນປະ ທານປະເທດ ສປ ຈີນ.”

   “ທີ່ແຫ່ງນີ້ເປັນດິນແດນບ່ອນກຳເນີດອະລິຍະທຳບູຮານຕ່າງໆ ເຊັ່ນ: ຄາຣາຣ໌（Caral） ຊາວິນ （Chavín） ຊີມູ （Chimu） ອິນໄຊຄາ（incaica） ເປັນຕົ້ນ, ປະຊາຊົນຢູ່ທີ່ແຫ່ງນີ້ເອີ້ນຄົນຈີນຢ່າງສະໜິດສະໜົມວ່າ ‘ພີ່ນ້ອງ’, ລັດຖະສະ ພາຢູ່ທີ່ແຫ່ງນີ້ໄດ້ຜ່ານຮັບຮອງມະຕິຕົກລົງໂດຍກຳນົດເອົາວັນທີ 1 ກຸມພາ ຂອງແຕ່ລະປີເປັນວັນມິດຕະພາບເປຣູ-ຈີນ, ຮ້ານອາຫານຈີນຢູ່ທີ່ແຫ່ງນີ້ເອີ້ນວ່າ ‘ກິນເຂົ້າ’.

   ບົດຄວາມຂອງທ່ານສີຈິ້ນຜິງສະແດງໃຫ້ເຫັນວ່າ: ທຸກເທື່ອທີ່ເດີນທາງມາເປຣູ, ເພິ່ນລ້ວນແຕ່ຮູ້ສຶກໄດ້ເຖິງມິດຕະພາບຂອງປະຊາຊົນເປຣູທີ່ມີຕໍ່ປະຊາຊົນຈີນຢ່າງເລິກເຊິ່ງ. “ການສືບທອດມິດຕະພາບແບບນີ້ແມ່ນເກີດມາຈາກປະຫວັດສາດທີ່ສະຫງ່າລາສີຂອງທັງສອງປະເທດ. ຫຼາຍຄົນບອກຂ້າພະເຈົ້າວ່າ ປະຊາຊົນ ສອງຊາດຈີນ-ເປຣູເມື່ອເຫັນໜ້າກັນຈະຮູ້ສຶກສະໜິດສະໜົມກັນ, ເມື່ອເຫັນ ວັດຖຸບູຮານຂອງກັນປຽບເໝືອນກັບວ່າເຄີຍໄດ້ຮູ້ຈັກກັນມາແຕ່ກ່ອນ.”

   ບົດຄວາມຂອງທ່ານສີຈິ້ນຜິງຍັງລະບຸຕື່ມວ່າ: ອະລິຍະທຳຈີນເປັນ ອະລິຍະທຳພຽງໜຶ່ງດຽວຢູ່ໃນໂລກທີ່ບໍ່ເຄີຍຂາດສະບັ້ນແລະສືບທອດ ກັນມາເປັນເວລາ5.000ກວ່າປີ, ອະລິຍະທຳມະຫາສະໝຸດທີ່ມີອະລິຍະທຳ ຄາຣາຣ໌ເປັນຕົວແທນ ແລະ ອະລິຍະທຳອິນໄຊຄາທີ່ມີອະລິຍະທຳທາງບົກເປັນ ຕົວແທນນັ້ນໄດ້ສ່ອງແສງ ໃຫ້ເຫັນເຖິງປະຫວັດຄວາມເປັນມາອັນດົນນານ ແລະ ອຸດົມສົມບູນ ກໍຄືຄວາມຫຼາກຫຼາຍຂອງອະລິຍະທຳເປຣູ.

   “ສະຕິປັນຍາຂອງອະລິຍະທຳໄດ້ເຮັດໃຫ້ພວກເຮົາມີແນວຄິດຄ້າຍຄືກັນ ແລະເຊື່ອມສານຈິດໃຈກັນ.”