ໃນໄລຍະທ່ານສີຈິ້ນຜິງ ປະທານປະເທດຈີນເດີນທາງໄປຢ້ຽມຢາມເປຣູທາງລັດຖະກິດ, ໂທລະພາບສູນກາງຈີນ ຫຼື CGTN ໄດ້ຮ່ວມກັບສູນຄົ້ນຄວ້າລະດັບສູງແຫ່ງຊາດເປຣູ ເຊິ່ງເປັນຄັງສະໝອງເປຣູໄດ້ແຈກຢາຍແບບສອບຖາມຕໍ່ຊາວເປຣູ 1.111 ຄົນ ກ່ຽວກັບ “ຄວາມພໍໃຈນຳຈີນຂອງເປຣູປີ 2024” ໂດຍສະແດງໃຫ້ເຫັນວ່າ: ຜູ້ຕອບສຳພາດໄດ້ຕີລາຄາຢ່າງຕັ້ງໜ້າໂດຍທົ່ວໄປຕໍ່ມິດຕະພາບທີ່ເປັນມູນເຊື້ອ ແລະ ໝາກຜົນຮ່ວມມືຕົວຈິງລະຫວ່າງຈີນກັບເປຣູ ໂດຍປາຖະໜາໃຫ້ການພົວພັນຈີນ-ເປຣູ ແລະ ການຮ່ວມມືລະດັບສູງແຫ່ງຊາດ “ເຂດໂລກໃຕ້” ສ້າງເປັນ “ແບບຢ່າງເປຣູ”.

ໃນເວລາຕອບແບບສອບຖາມ, ມີຜູ້ຕອບແບບສອບຖາມ 89,6% ມີຄວາມພໍໃຈນຳຈີນ, ມີຜູ້ຕອບແບບສອບຖາມ 97,7% ເຫັນວ່າຈີນເປັນປະເທດທີ່ສຳຄັນ; ມີ 97,2% ເຫັນວ່າຈີນເປັນປະເທດສຳເລັດຜົນ; ມີ 91,% ເຫັນວ່າ ຈີເປັນປະເທດທີ່ມີແຮງດຶງດູດໃຈຂອງຄົນທັງຫຼາຍ ແລະ ມີ 91,2% ເຫັນວ່າ ຈີນເປັນປະເທດທີ່ໜ້າເຄົາລົບ. ນອກນີ້, ຜູ້ຕອບແບບອອບຖາມກໍໄດ້ສະແດງຄວາມປາຖະໜາທີ່ຢາກມາທ່ຽວຈີນອ່າວສູງ, ມີ 94% ປາຖະໜາຢາກມາທ່ຽວ, ຢ້ຽມຢາມ ຫຼື ຮຽນຢູ່ຈີນ, ໃນໝູ່ຜູ້ຕອບແບບສອບຖາມຊາວໜຸ່ມ ທີ່ມີອາຍຸແຕ່ 18 ຫາ 24 ປີ, ອັດຕາດັ່ງກ່າວໄດ້ສູງເຖິງ 95,9%.