ທ່າກຳປັ່ນຈັນໄກ(Chancay)ຂອງເປຣູ, ຫ່າງຈາກນະຄອນຫຼວງລີມາປະເທດເປຣູປະມານ 60 ກິໂລແມັດ, ຫ່າງຈາກປະເທດຈີນປະມານ 17.000 ກິໂລແມັດ, ພາຍຫຼັງສ້າງສຳເລັດແລ້ວຈະກາຍເປັນທ່າກຳປັ່ນໃຈກາງສຳຄັນຂອງເຂດອາເມຣິກາລາຕິນ.

ວັນທີ 14 ພະຈິກນີ້, ທ່ານ ສີຈິ້ນຜິງ ປະທານປະເທດຈີນ ແລະ ທ່ານນາງ ດີນາ ໂບລູອາເຕ ປະທານາທິບໍດີເປຣູ ໄດ້ຮ່ວມກັນເຂົ້າຮ່ວມພິທີເປີດນຳໃຊ້ທ່າກຳປັ່ນຈັນໄກຂອງເປຣູຜ່ານທາງວີດີໂອ.

ໂຄງການກໍ່ສ້າງທ່າກຳປັ່ນຈັນໄກເລີ່ມປະຕິບັດມາແຕ່ປີ 2019 ໂດຍແມ່ນວິສາຫະກິດຈີນ ແລະເປຣູຮ່ວມການລົງທຶນພັດທະນາ ແລະກໍ່ສ້າງ ເຊິ່ງເປັນໂຄງການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”. ພາຍຫຼັງສ້າງສຳເລັດແລ້ວ, ທ່າກຳປັ່ນດັ່ງກ່າວຈະກາຍເປັນຊອງທາງໃໝ່ທາງບົກທາງທະເລລະຫວ່າງຈີນກັບອາເມຣິກາລາຕິນ ແລະກາຍເປັນເສັ້ນທາງແຫ່ງຄວາມຈະເລີນຮຸ່ງເຮືອງທີ່ຊຸກຍູ້ການພັດທະນາຮ່ວມກັນລະຫວ່າງຈີນກັບເປຣູ.