ກຸ່ມບໍລິສັດທາງລົດໄຟແຫ່ງຊາດຈີນຈຳກັດແຈ້ງໃຫ້ຮູ້ວ່າ: ນັບມາຮອດວັນທີ 15 ພະຈິກນີ້, ຂະບວນລົດໄຟດ່ວນຈີນ-ເອີຣົບໄດ້ແລ່ນລົດລວມທັງໝົດຫຼາຍກວ່າ 100.000 ຂະບວນ, ໄດ້ຂົນສົ່ງສິນຄ້າຫຼາຍກວ່າ 11 ລ້ານຕູ້ມາດຕະຖານທີ່ມີມູນຄ່າຫຼາຍກວ່າ 420 ຕື້ໂດລາ, ໄດ້ຮັກສາການແລ່ນລົດຢ່າງປອດໄພ, ໝັ້ນທ່ຽງແລະສະດວກ ເຊິ່ງເປັນຂີດໝາຍສະແດງໃຫ້ເຫັນວ່າ: ການພັດທະນາຂະບວນລົດໄຟດ່ວນຈີນ-ເອີຣົບຢ່າງມີຄຸນນະພາບສູງໄດ້ຮັບປະສິດທິຜົນໃໝ່.

ນັບແຕ່ປີ 2016 ທີ່ໄດ້ກຳນົດຍີ່ຫໍ້ໃຫ້ເປັນເອກະພາບກັນຕະຫຼອດຮອດປີ 2023, ຈຳນວນການແລ່ນລົດຕໍ່ປີຂອງຂະບວນລົດໄຟດ່ວນຈີນ-ເອີຣົບໄດ້ເພີ່ມຂຶ້ນຈາກ 1.702 ຂະບວນເປັນ 17.000 ຂະບວນ ເຊິ່ງໄດ້ເພີ່ມຂຶ້ນເກືອບ 10 ເທົ່າ. ເວລາການແລ່ນລົດຈຳນວນ 10.000 ຂະບວນຈາກ 90 ເດືອນໃນເບື້ອງຕົ້ນຫຼຸດລົງເປັນ 6 ເດືອນໃນປັດຈຸບັນ. ນັບແຕ່ເດືອນມີນາປີນີ້ເປັນຕົ້ນມາ, ໄດ້ແລ່ນລົດຫຼາຍກວ່າ 1.600 ຂະບວນຕໍ່ເດືອນເປັນເວລາ 8 ເດືອນຕິດຕໍ່ກັນ.