ວັນທີ 17 ພະຈິກນີ້, ກຳປັ່ນສຳຫຼວດພື້ນທະເລ “ເມິ້ງສຽງ” ລຳທຳອິດທີ່ອອກແບບແລະຜະລິດດ້ວຍຄວາມເປັນເຈົ້າຕົນເອງຂອງຈີນໄດ້ເຂົ້າຮ່ວມຂະບວນຢູ່ນະຄອນກວາງໂຈ່ວແຂວງກວາງຕຸ້ງຂອງຈີນຢ່າງເປັນທາງການ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ສົ່ງສານຊົມເຊີຍຢ່າງສຸດໃຈ.

ເນື້ອໃນສານຂອງທ່ານສີຈິ້ນຜິງລະບຸວ່າ: ກຳປັ່ນສຳຫຼວດພື້ນທະເລ  “ເມິ້ງສຽງ” ຜ່ານການທົດລອງຢ່າງສຳເລັດຜົນ ແລະ ເຂົ້າຮ່ວມຂະບວນຢ່າງເປັນທາງການ ເປັນຂີດໝາຍສະແດງໃຫ້ເຫັນວ່າ: ຈີນໄດ້ຢວ່າງບາດກ້າວທີ່ສຳຄັນໃນການເຂົ້າສູ່, ສຳຫຼວດ ແລະ ພັດທະນາທະເລເລິກ, ແມ່ນຜົນງານທີ່ສຳຄັນອີກຄັ້ງໜຶ່ງໃນການສ້າງສາປະເທດຊາດເຂັ້ມແຂງດ້ານທະເລ ແລະ ວິທະຍາສາດເຕັກໂນໂລຊີ. ຫວັງວ່າພວກສະຫາຍຈະສືບຕໍ່ທຳຄວາມພະຍາຍາມ, ເພີ່ມທະວີການປະດິດສ້າງໃໝ່ດ້ານວິທະຍາສາດເຕັກໂນໂລຊີທາງທະເລ, ຂະຫຍາຍການຮ່ວມມືດ້ານທະເລສາກົນ ເພື່ອປະກອບສ່ວນຫຼາຍກວ່າເກົ່າເຂົ້າໃນການຊຸກຍູ້ຄວາມທັນສະໄໝແບບຈີນ ແລະ ຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.

ນ້ຳໜັກທີ່ກຳປັ່ນສຳຫຼວດພື້ນທະເລ “ເມິ້ງສຽງ” ສາມາດບັນທຸກໄດ້ມີເຖິງ 42.600 ໂຕນ, ສາມາດເດີນເຮືອໄລຍະ 15.000 ໄມທະເລຢ່າງຕໍ່ເນື່ອງ ແລະ ລົງສູ່ພື້ນທະເລເລິກສຸດໄດ້ 11.000 ແມັດ, ມີຄວາມສາມາດສຳຫຼວດພື້ນທະເລໃນທົ່ວໂລກຢ່າງບໍ່ມີຂອບເຂດຈຳກັດ.