ໃນກອງປະຊຸມຖະແຫຼງຂ່າວທີ່ຈັດຂຶ້ນເມື່ອວັນທີ 18 ພະຈິກນີ້, ທ່ານຫຼິນຈ້ຽນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມນັກຂ່າວກ່ຽວກັບອາເມຣິກາ ແລະຟີລິບປີນລົງນາມສັນຍາດ້ານການທະຫານ.

ທ່ານຫຼິນຈ້ຽນ ກ່າວວ່າ: ບໍ່ວ່າການລົງນາມສັນຍາດ້ານການທະຫານແບບໃດ, ແລະດຳເນີນການຮ່ວມມືປ້ອງກັນຄວາມໝັ້ນຄົງແບບໃດກໍຕາມ, ລ້ວນແຕ່ບໍ່ໃຫ້ທຳລາຍ ຫຼື ແນໃສ່ຜົນປະໂຫຍດຂອງຝ່າຍທີສາມ, ທັງບໍ່ໃຫ້ທຳລາຍສັນຕິພາບຢູ່ພາກພື້ນ ແລະເຮັດໃຫ້ສະຖານະການຢູ່ພາກພື້ນເຄັ່ງຕຶງຂຶ້ນກວ່າເກົ່າ. ທາງເລືອກທີ່ຖືກຕ້ອງພຽງໜຶ່ງດຽວກ່ຽວກັບການປົກປັກຮັກສາຄວາມໝັ້ນຄົງແຫ່ງຊາດຂອງປະເທດຕົນ, ຮັກສາສັນຕິພາບ ແລະສະຖຽນລະພາບຂອງພາກພື້ນແມ່ນຕ້ອງຍຶດໝັ້ນໄມຕີຈິດຖານບ້ານໃກ້ເຮືອນຄຽງ ແລະຍຶດໝັ້ນຄວາມເປັນເຈົ້າຕົນເອງດ້ານຍຸດທະສາດ.