ກຸ່ມບໍລິສັດທາງລົດໄຟຈີນສາຂາຄຸນໝິງຈຳກັດແຈ້ງໃຫ້ຮູ້ວ່າ: ຕອນບ່າຍວັນທີ 19 ພະຈິກນີ້, ຂະບວນລົດໄຟຂົນສົ່ງສິນຄ້າດ້ວຍຫຼາຍວິທີຈານະຄອນຄຸນໝິງຈີນຫາແຂວງຣະນອງໄທເລີ່ມແລ່ນລົດຢ່າງເປັນທາງການແລ້ວ ເຊິ່ງເປັນຂີດ ໝາຍສະແດງໃຫ້ເຫັນວ່າ: ຊ່ອງທາງການຈໍລະຈອນສິນຄ້າສາກົນລະຫວ່າງຈີນ-ລາວ-ໄທໄດ້ຂະຫຍາຍກວ້າງອອກໄປຕື່ມອີກ, ໄດ້ເພີ່ມພະລັງແຮງໃໝ່ເຂົ້າໃນການໄປມາຫາສູ່ກັນດ້ານການຄ້າລະຫວ່າງຈີນ-ອາຊຽນ.

ແຕ່ກ່ອນການຂົນສົ່ງສິນຄ້າຈາກຈີນໄປສູ່ປະເທດໄທ, ປົກກະຕິແມ່ນອາໄສການຂົນສົ່ງທາງທະເລຫຼືທາງບົກມີລາຄາແພງ ແລະ ເສຍເວລາຫຼາຍ. ຂະນະທີ່ຂະບວນລົດໄຟຂົນສົ່ງສິນຄ້າດ້ວຍຫຼາຍວິທີ ເປັນຕົ້ນເສັ້ນທາງລົດໄຟຈີນ-ລາວ, ເສັ້ນທາງລົດໄຟລາງ 1 ແມັດຂອງໄທ ແລະ ທາງຫຼວງ ໄດ້ສະໜອງທາງເລືອກທີ່ດີກວ່າເກົ່າໃຫ້ແກ່ວິສາຫະກິດສົ່ງອອກສິນຄ້າ ໂດຍຈະສາມາດຫຼຸດຜ່ອນເວລາການຂົນສົ່ງໃຫ້ສັ້ນລົງ ແລະ ຍົກສູງປະສິດທິຜົນຂອງການນຳໃຊ້ເງິນທຶນ.

ການແລ່ນຂະບວນລົດໄຟດັ່ງກ່າວເປັນການສະແດງໃຫ້ເຫັນອັນສຳຄັນຕໍ່ການລົງເລິກການຮ່ວມມືລະຫວ່າງຈີນ-ລາວ-ໄທ.