ເນື່ອງໃນໂອກາດທີ່ທ່ານສີຈິ້ນຜິງ ປະທານປະເທດຈີນເຂົ້າຮ່ວມກອງປະຊຸມສຸດຍອດກຸ່ມ G20 ຄັ້ງທີ 19 ແລະ ຢ້ຽມຢາມເບຣຊິນທາງລັດຖະກິດ, ວັນທີ 20 ພະຈິກນີ້, ກິດຈະກຳແລກປ່ຽນວັດທະນະທຳເພື່ອສະເຫຼີມສະຫຼອງຈີນ-ເບຣຊິນສ້າງຕັ້ງສາຍພົວພັນທາງການທູດຄົບຮອບ 50 ປີ ໂດຍແມ່ນວິທະຍຸໂທລະພາບສູນກາງຈີນ ຫຼື CMG ຮ່ວມກັບ ບໍລິສັດສື່ມວນຊົນແຫ່ງຊາດເບຣຊິນເປັນເຈົ້າພາບ ໄດ້ຈັດຂຶ້ນຢູ່ນະຄອນຫຼວງບຣາຊີເລຍປະເທດເບຣຊິນ. ທ່ານລູອິດ ອີນາຊີໂອ ລູລາ ດາຊິນວາ ປະທານາທິບໍດີເບຣຊິນໄດ້ສົ່ງສານຊົມເຊີຍເຖິງກິດຈະກຳ. ແຂກຜູ້ມີກຽດ 200 ກວ່າຄົນຈາກວົງການການເມືອງ, ເສດຖະກິດ, ວັດທະນະທຳ, ວິຊາການ ແລະ ສື່ມວນຊົນຂອງເບຣຊິນໄດ້ເຂົ້າຮ່ວມກິດຈະກຳຄັ້ງນີ້.

ຢູ່ສະຖານທີ່ຈັດກິດຈະກຳ, ກິດຈະກຳລະດູການສາຍຜົນງານຮູບເງົາແລະໂທລະພາບຂອງຈີນຢູ່ເບຣຊິນຄັ້ງທີ 4 ເລີ່ມອອກອາກາດ ທັງໄດ້ເຜີຍແຜ່ບັນຊີລາຍຊື່ລາຍການດີເລີດເພື່ອສະເຫຼີມສະຫຼອງຈີນ-ເບຣຊິນສ້າງຕັ້ງສາຍພົວພັນທາງການທູດຄົບຮອບ 50 ປີ.