ວັນທີ 20 ພະຈິກນີ້, ສະພາຄວາມໝັ້ນຄົງອົງການສະຫະປະຊາຊາດໄດ້ລົງຄະແນນສຽງຕໍ່ມະຕິການຢຸດຍິງຢູ່ເຂດກາຊາທີ່ສະເໜີໂດຍ 10 ປະເທດສະມາຊິກບໍ່ຖາວອນ. ຍ້ອນວ່າອາເມຣິກາໄດ້ລົງຄະແນນສຽງຄັດຄ້ານ, ມະຕິດັ່ງກ່າວຈຶ່ງບໍ່ຜ່ານການຮັບຮອງ. ສ່ວນ 14 ປະເທດສະມາຊິກອື່ນໆຂອງສະພາຄວາມໝັ້ນຄົງໄດ້ລົງຄະແນນສຽງເຫັນດີ.

ທ່ານຟູ້ຊົ່ງ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ: ສິດຄັດຄ້ານແມ່ນຄວາມຮັບຜິດຊອບ, ແຕ່ບໍ່ແມ່ນສິດພິເສດເພື່ອປົກປ້ອງພັນທະມິດ.

ນັບແຕ່ປາແລັດສະຕິນກັບອິດສະຣາແອນເກີດການປະທະກັນຮອບໃໝ່ມານີ້, ອາເມຣິກາໄດ້ໃຊ້ສິດຄັດຄ້ານຢູ່ສະພາຄວາມໝັ້ນຄົງມາແລ້ວ 6 ເທື່ອກ່ຽວກັບບັນຫາລະຫວ່າງປາແລັດສະຕິນກັບອິດສະຣາແອນ, ໃນນັ້ນ, ມີ 5 ເທື່ອແມ່ນຄັດຄ້ານການຢຸດຍິງຢູ່ເຂດກາຊາ.