ກອງປະຊຸມລັດຖະມົນຕີປ້ອງກັນປະເທດອາຊຽນ+ຄັ້ງທີ11ໄດ້ຈັດຂຶ້ນໃນຕອນເຊົ້າວັນທີ 21 ພະຈິກນີ້ຢູ່ນະຄອນຫຼວງວຽງຈັນຂອງລາວ. ທ່ານຕົງຈວິ່ນ ລັດຖະມົນຕີກະຊວງປ້ອງກັນປະເທດຈີນໄດ້ເຂົ້າຮ່ວມກອງປະຊຸມແລະປະກອບຄຳເຫັນໂດຍກ່າວວ່າ: ໂລກໃນປັດຈຸບັນທີ່ຜັນແປໄປຢ່າງປັ່ນປ່ວນແລະສັບສົນ, ພາກພື້ນອາຊີປາຊິຟິກໄດ້ຮັກສາສະຖຽນລະພາບໂດຍລວມ, ແຕ່ວ່າການປະເຊີນກັບຄວາມສ່ຽງທີ່ຈະຖືກດຶງເຂົ້າມາຫຍຸ້ງກ່ຽວກັບການປະທະກັນໃນພາກພື້ນນັ້ນຍັງຄົງເປັນສະພາບຄວາມເປັນຈິງໃນປັດຈຸບັນ, ສະນັ້ນ, ບັນດາປະເທດຄວນແກະແຂນກັນ, ຮ່ວມແຮງຮ່ວມໃຈກັນປົກປັກຮັກສາບ້ານເມືອງຮ່ວມທີ່ດີງາມ.

ທ່ານຕົງຈວິ່ນກ່າວຢືນຢັນວ່າ: ຈີນຍິນດີຮ່ວມກັບບັນດາຝ່າຍເດັດດ່ຽວປົກປັກຮັກສາຄວາມສາມັກຄີລະຫວ່າງປະເທດຕ່າງໆໃນພາກພື້ນ, ຄັດຄ້ານການນຳເອົາການເມືອງແບບກຸ່ມກ້ອນ ແລະ ການເປັນປໍລະປັກກັນລະຫວ່າງຝ່າຍເຂົ້າມາໃນພາກພື້ນ. ເດັດດ່ຽວຜ່ານຈາກການແກ້ໄຂບັນຫາດ້ວຍການສົນທະນາກັນ, ຄັດຄ້ານການສ້າງຄວາມຂັດແຍ້ງ, ການແກ້ໄຂບັນຫາດ້ວຍກຳລັງອາວຸດ, ແບ່ງກຸ່ມແບ່ງພວກຈົນເຖິງຂັ້ນນຳເອົາອິດທິກຳລັງພາຍນອກເຂົ້າມາໃນພາກພື້ນຕົນ. ນອກນີ້, ຍັງຈະຮ່ວມກັນເດັດດ່ຽວລົງເລິກການຮ່ວມມືດ້ານການປ້ອງກັນຊາດ ແລະ ຄວາມໝັ້ນຄົງ, ຊຸກຍູ້ການຈັດຕັ້ງປະຕິບັດຂໍ້ລິເລີ່ມຄວາມໝັ້ນຄົງທົ່ວໂລກໃຫ້ເປັນຮູບປະທຳຢູ່ພາກພື້ນ, ເພື່ອສ້າງປະຊາຄົມຮ່ວມຄວາມໝັ້ນຄົງທີ່ແໜ້ນແຟ້ນຍິ່ງຂຶ້ນ.

ກ່ອນເຂົ້າຮ່ວມກອງປະຊຸມຄັ້ງນີ້, ທ່ານຕົງຈວິ່ນໄດ້ພົບປະເຈລະຈາກັບການນຳພາກສ່ວນປ້ອງກັນປະເທດນູແວັນເຊລັງ, ອິນເດຍ ແລະມາເລເຊຍ ລວມທັງເລຂາທິການໃຫຍ່ອາຊຽນ.