ຕອນຄ່ຳວັນທີ 21 ພະຈິກນີ້ຕາມເວລາທ້ອງຖິ່ນ, ທ່ານສີິຈິ້ນຜິງ ປະທານປະເທດຈີນໄດ້ເດີນທາງກັບຄືນປະເທດພາຍຫຼັງໄດ້ສິ້ນສຸດການຢ້ຽມຢາມເບຣຊິນທາງລັດຖະກິດ, ໃນໄລຍະເດີນທາງ, ເຮືອບິນພິເສດຂອງທ່ານສີຈິ້ນຜິງໄດ້ແວ່ຈອດຢູ່ນະຄອນກາຊາບລານກາຂອງລາຊະອານາຈັກມາຣົກ.

ສົມເດັດມູໄລ ອັນ ຮາຊາ ມົງກຸດລາຊະກຸມານມາຣົກ, ທ່ານອາຊິສ ອາເຮີນູຊີ ນາຍົກລັດຖະມົນຕີມາຣົກໄດ້ເດີນທາງໄປຕ້ອນຮັບທ່ານສີຈິ້ນຜິງທີ່ສະໜາມບິນເປັນການສະເພາະ. ທ່ານສີຈິ້ນຜິງໄດ້ພົບປະໂອ້ລົມກັນຢ່າງສະໜິດສະໜົມກັບສົມເດັດມູໄລ ອັນ ຮາຊາ ມົງກຸດລາຊະກຸມານມາຣົກ.

ໃນໂອກາດນີ້, ທ່ານສີ້ຈິ້ນຜິງໄດ້ຊີ້ອອກວ່າ: ຈີນຍິນດີຮ່ວມກັບມາຣົກຊຸກຍູ້ການຮ່ວມມືຕົວຈິງໃນຂົງເຂດຕ່າງໆພາຍໃນຂອບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໃຫ້ໄດ້ຮັບຜົນສຳເລັດຫຼາຍກວ່າເກົ່າ, ຊຸກຍູ້ໃຫ້ການພົວພັນຄູ່ຮ່ວມຍຸດທະສາດລະຫວ່າງຈີນ-ມາຣົກໄດ້ຮັບການພັດທະນາຢ່າງໃຫຍ່ຫຼວງກວ່າເກົ່າ.

ສົມເດັດມູໄລ ອັນ ຮາຊາ ກ່າວຢືນຢັນວ່າ: ພະບໍລົມມະວົງສານຸວົງແລະລັດຖະບານມາຣົກຕ່າງກໍສຸມໃສ່ເສີມຂະຫຍາຍການພົວພັນລະຫວ່າງມາຣົກ-ຈີນຕື່ມອີກຢ່າງເດັດດ່ຽວ, ຍິນດີຮ່ວມກັບຈີນຮັກສາການໄປມາຫາສູ່ກັນລະຫວ່າງການນຳຂັ້ນສູງແລະເພີ່ມທະວີການຮ່ວມມືໃນຂົງເຂດຕ່າງໆ.