ທ່ານຫຼິນຈ້ຽນ ໂຄສົກກະຊວງການຕ່າງປະເທດຈີນໄດ້ກ່າວຢືນຢັນໃນກອງປະຊຸມຖະແຫຼງຂ່າວທີ່ຈັດຂຶ້ນເມື່ອວັນທີ 22 ພະຈິກນີ້ວ່າ: ເພື່ອອຳນວຍຄວາມສະດວກໃຫ້ແກ່ການໄປມາຫາສູ່ກັນລະຫວ່າງບຸກຄະລາກອນຈີນແລະຕ່າງປະເທດຕື່ມອີກ, ຈີນຕົກລົງເປີດກວ້າງຂອບເຂດປະເທດທີ່ປະຕິບັດນະໂຍບາຍຍົກເວັ້ນວີຊາ ເຊິ່ງເລີ່ມແຕ່ວັນທີ 30 ພະຈິກ2024ເປັນຕົ້ນໄປຈົນຮອດວັນທີ 31 ທັນວາ2025, ຈະທົດລອງປະຕິບັດນະໂຍບາຍຍົກເວັ້ນວີຊາໃຫ້ຜູ້ຖືພາສປອດທຳມະດາຈາກ9ປະເທດເຊັ່ນ: ບຸນກາຣີ, ຣູມານີ ແລະຍີ່ປຸ່ນເປັນຕົ້ນ.

ນອກນີ້, ຈີນຍັງໄດ້ຕົກລົງປັບປຸງນະໂຍບາຍຍົກເວັ້ນວີຊາໃຫ້ດີຂຶ້ນຕື່ມອີກ ໂດຍຈັດເອົາການແລກປ່ຽນຢ້ຽມຢາມເປັນສາເຫດໜຶ່ງໃນການຍົກເວັ້ນວີຊາເຂົ້າເມືອງ ຂະນະທີ່ແກ່ຍາວເວລາເຂົ້າເມືອງແບບຍົກເວັ້ນວີຊາຈາກ15ວັນທີ່ປະຕິບັດໃນປັດຈຸບັນໃຫ້ເປັນ30ວັນ. ທ່ານຫຼິນຈ້ຽນແຈ້ງໃຫ້ຮູ້ວ່າ: ນັບແຕ່ວັນທີ 30 ພະຈິກ2024ເປັນຕົ້ນໄປ, ຜູ້ຖືພາສປອດທຳມະດາຂອງ38ປະເທດທີ່ຍົກເວັ້ນວີຊາ ເຊິ່ງລວມທັງ  9 ປະເທດດັ່ງກ່າວທີ່ເດີນທາງມາຈີນເຮັດທຸລະກິດ, ທ່ອງທ່ຽວ ຢ້ຽມຢາມໝູ່ເພື່ອນຍາດຕິພີ່ນ້ອງ ແລກປ່ຽນຢ້ຽມຢາມ ແລະ ຜ່ານແດນບໍ່ກາຍ  30ວັນ, ຈະສາມາດຍົກເວັ້ນວີຊາເຂົ້າເມືອງໄດ້.