ລະຫວ່າງວັນທີ 13 ຫາທີ 23 ພະຈິກປີ 2024, ທ່ານສີຈິ້ນຜິງປະທານປະເທດຈີນໄດ້ເດີນທາງໄປເປຣູເພື່ອເຂົ້າຮ່ວມກອງປະຊຸມຜູ້ນຳເສດຖະກິດຂອງອົງການຮ່ວມມືທາງເສດຖະກິດອາຊີ-ປາຊີຟິກ ຫຼື ເອເປັກຄັ້ງທີ 31 ແລະ ຢ້ຽມຢາມເປຣູທາງລັດຖະກິດ, ເດີນທາງໄປເບຣຊິນເພື່ອເຂົ້າຮ່ວມກອງປະຊຸມສຸດຍອດກຸ່ມ G20 ຄັ້ງທີ 19 ແລະຢ້ຽມຢາມເບຣຊິນທາງລັດຖະກິດ. ເນື່ອງໃນໂອກາດໄລຍະການຢ້ຽມຢາມຂອງທ່ານສີຈິ້ນຜິງສິ້ນສຸດລົງ,ທ່ານວາງຢີ້ ກຳມະການກົມການເມືອງສູນກາງພັກ ລັດຖະມົນຕີກະຊວງການຕ່າງປະເທດຈີນໄດ້ແນະນຳສະພາບທີ່ກ່ຽວຂ້ອງຕໍ່ສື່ມວນຊົນ.

    ທ່ານວາງຢີ້ກ່າວວ່າ: ການຢ້ຽມຢາມອາເມຣິກາລາຕິນຂອງທ່ານສີຈິ້ນຜິງເທື່ອນີ້ແມ່ນອວ່າຍໜ້າໄປສູ່ອາຊີ-ປາຊິຟິກ,ກໍ່ຄືທົ່ວໂລກ.ໃນເວລາ 11 ວັນ, ທ່ານສີຈິ້ນຜິງທັງໄດ້ພົບກັບເພື່ອນມິດຜູ້ເກົ່າ,ທັງໄດ້ຮູ້ຈັກເພື່ອນມິດຜູ້ໃໝ່,ທັງໄດ້ດຳເນີນການແລກປ່ຽນດ້ານຍຸດທະສາດ,ທັງໄດ້ລົງເລິກການຮ່ວມມືແບບຕິດແທດຕົວຈິງ,ທັງໄດ້ຊຸກຍູ້ການພົວພັນລະຫວ່າງປະເທດໃຫຍ່ໃຫ້ຂະຫຍາຍຕົວຢ່າງປອດໃສ ແລະ ໝັ້ນທ່ຽງ, ທັງໄດ້ນຳພາເຂດໂລກໃຕ້ສາມັກຄີ ແລະ ສ້າງຄວາມເຂັ້ມແຂງດ້ວຍຕົນເອງ ເຊິ່ງໄດ້ເປີດກວ້າງພື້ນທີ່ໃໝ່ການພັດທະນາທີ່ມີຄຸນນະພາບສູງ ແລະການເປີດປະຕູສູ່ພາຍນອກໃນລະດັບສູງຂອງຈີນ, ໄດ້ເຮັດໃຫ້ພຶດຕິກຳໃໝ່ແຫ່ງການສ້າງປະຊາຄົມຮ່ວມຊາຕາກຳຂອງມວນມະນຸດອຸດົມສົມບູນຂຶ້ນ ພ້ອມທັງໄດ້ປະດິດສ້າງສະພາບໃໝ່ດ້ານການຕ່າງປະເທດຂອງປະເທດໃຫຍ່ທີ່ມີສີສັນພິເສດຂອງຈີນໃນຍຸກໃໝ່.

    ຈາກລີມາ ຮອດ ຣີໂອ ເດີ ເຈເນໂຣ, ທ່ານສີຈິ້ນຜິງໄດ້ສົ່ງສັນຍານອັນແຈ່ມແຈ້ງທີ່ເດັດດ່ຽວປົກປັກຮັກສາລັດທິຫຼາຍຝ່າຍຢູ່ສີ່ແຍກປະຫວັດສາດຂອງມວນມະນຸດອີກຄັ້ງໜຶ່ງ ໂດຍສະແດງໃຫ້ເຫັນພາບພົບຂອງຈີນທີ່ເປັນປະເທດໃຫຍ່ທີ່ມີຄວາມຮັບຜິດຊອບ,ມີຄວາມຍຸຕິທຳ,ກ້າແບກຫາບໜ້າທີ່ , ເປີດປະຕູສູ່ພາຍນອກ ແລະ ກວມລວມ, ໄດ້ຍົກສູງອິດທິພົນຂອງຈີນໃນສາກົນ.