ວັນທີ 24 ພະຈິກນີ້, ກອງປະຊຸມຝ່າຍລົງນາມສົນທິສັນຍາວ່າດ້ວຍຂອບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດຄັ້ງທີ 29 ຫຼື COP29 ໄດ້ຈັດຂຶ້ນຢູ່ນະຄອນຫຼວງບາຄູຂອງອາແຊກໄບຊັງນັ້ນ ໄດ້ປະສົບຜົນງານຫຼາຍປະການກ່ຽວກັບຫົວຂໍ້ຕ່າງໆ ຄື: ເປົ້າໝາຍການລະດົມທຶນສະບັບໃໝ່ ແລະ ກົນໄກຕະຫຼາດກາກບອນໂລກເຊິ່ງເປັນມາດຕາທີ 6 ຂອງສັນຍາປາຣີເປັນຕົ້ນ.

    ສຳລັບເປົ້າໝາຍທີ່ກຳນົດຈຳນວນແບບລວມໝູ່ດ້ານການລະດົມທຶນເພື່ອດິນຟ້າອາກາດສະບັບໃໝ່ ຫຼື NCQG ແມ່ນຫົວຂໍ້ສຳຄັນ, ເອກະສານທີ່ເປີດເຜີຍຫຼ້າສຸດສະແດງໃຫ້ເຫັນວ່າ: ກ່ອນປີ 2035, ປະເທດທີ່ພັດທະນາແລ້ວຕ້ອງສະໜອງທຶນ 300 ຕື້ໂດລາໃຫ້ແກ່ປະເທດພວມພັດທະນາ ເພື່ອສະໜັບສະໜູນການເຄື່ອນໄຫວກ່ຽວກັບດິນຟ້າອາກາດ.