ວັນທີ 25 ພະຈິກນີ້, ກຳປັ່ນຂົນສົ່ງແກັສທຳມະຊາດແຫຼວ ຫຼື LNG ຂະໜາດໃຫຍ່ແບບໃໝ່ລຳທຳອິດທີ່ຈີນຄົ້ນຄວ້າຜະລິດເອງ ໄດ້ຖືກສົ່ງມອບໃຫ້ແກ່ລູກຄ້າຕ່າງປະເທດຢູ່ນະຄອນຊຽງໄຮ້ຂອງຈີນ, ກຳປັ່ນລຳນີ້ໄດ້ອອກແບບລະບົບສາງບັນຈຸແກັສທີ່ມີລະດັບເຕັກນິກນຳໜ້າສາກົນ, ສິ້ນສຸດໜ້າປະຫວັດສາດທີ່ເວົ້າວ່າຈີນບໍ່ສາມາດຜະລິດກຳປັ່ນແບບນີ້.

    ກຳປັ່ນຂົນສົ່ງແກັສ LNG ດັ່ງກ່າວນຳໃຊ້ເຕັກນິກໃໝ່ຫຼ້າສຸດ, ສະນັ້ນ, ເມື່ອທຽບໃສ່ກຳປັ່ນຂົນສົ່ງ LNG ແບບເກົ່າທີ່ມີຂະໜາດເທົ່າກັນແລ້ວ, ມັນສາມາດບັນຈຸສິນຄ້າໄດ້ຫຼາຍກວ່າເກົ່າ ແລະ ການສູນເສຍຍ້ອນການລະເຫີຍໃນເວລາຂົນສົ່ງກໍຫຼຸດໜ້ອຍລົງ, ເອກະລັກພິເສດຄືມີຄວາມປອດໄພສູງ, ປະຢັດພະລັງງານ ແລະ ເປັນມິດຕໍ່ສິ່ງແວດລ້ອມ. ປັດຈຸບັນນີ້, ຈີນໄດ້ຮັບໃບສັ່ງຈອງໃຫ້ຜະລິດກຳປັ່ນຂົນສົ່ງແກັສ LNG ແບບນີ້ແລ້ວ 8 ລຳ.