ວັນທີ 26 ພະຈິກນີ້, ທະນາຄານກາງອາເມຣິກາ ຫຼື FED ໄດ້ເປີດເຜີຍບົດບັນທຶກກອງປະຊຸມວັນທີ 6-7 ພະຈິກນີ້ຂອງຄະນະກຳມະການຕະຫຼາດເປີດເຜີຍສະຫະລັດ( FOMC). ອີງຕາມການຄາດຄະເນໃນບົດບັນທຶກກອງປະຊຸມ, ໃນເດືອນທັນວາປີນີ້, ທະນາຄານກາງອາເມຣິກາອາດຈະຫຼຸດອັດຕາດອກເບ້ຍອີກ 0,25%.

ບົດບັນທຶກກອງປະຊຸມດັ່ງກ່າວສະແດງໃຫ້ເຫັນວ່າ, ໃນກອງປະຊຸມເດືອນພະຈິກຂອງທະນາຄານກາງອາເມຣິກາໄດ້ຕົກລົງຈະຫຼຸດຂອບເຂດເປົ້າໝາຍຂອງອັດຕາດອກເບ້ຍກອງທຶນສະຫະລັດໃຫ້ຕ່ຳລົງ 0,25%, ເຮັດໃຫ້ອັດຕາດອກເບ້ຍຂອງກອງທຶນພື້ນຖານຢູ່ໃນຂອບເຂດ 4,5% - 4,75%, ທັງສະແດງໃຫ້ເຫັນອີກວ່າ, ການປັບປຸງຫຼັກໝັ້ນນະໂຍບາຍເງິນຕາເພີ່ມຄັ້ງນີ້ ຈະມີຜົນດີຕໍ່ການຮັກສາຄວາມເຂັ້ມແຂງຂອງເສດຖະກິດ ແລະ ຕະຫຼາດແຮງງານ, ພ້ອມທັງສືບຕໍ່ຊຸກຍູ້ໃຫ້ໄພເງິນເຟີ້ຫຼຸດຕ່ຳລົງ.