ຜູ້ຮູ້ໃຈກັນ
ນີ້ແມ່ນເລື່ອງກ່ຽວກັບຜູ້ຮູ້ໃຈກັນທີ່ເລົ່າລືກັນມາເປັນສອງພັນປີຂອງຈີນ, ເຊິ່ງໄດ້ສະແດງໃຫ້ເຫັນເຖິງຄວາມປາຖະໜາຂອງຄົນທັງຫຼາຍທີ່ຢາກໄດ້ຜູ້ຮູ້ໃຈກັນທີ່ຮັກແພງກັນຢ່າງເລິກເຊິ່ງ.
ເງິນຄຳກຳແກ້ວຫາໄດ້, ຜູ້ຮູ້ໃຈກັນຫາຍາກ. ເຈົ້າອາດຈະຮັ່ງມີ, ໄປໃສມາໃສອາດຈະມີຄົນແຫ່ແຫນ, ເຈົ້າອາດຈະມີຖານະຕຳແໜ່ງສູງ, ເວົ້າຫຍັງຄວາມໜຶ່ງ, ພວກລູກນ້ອງຕ້ອງຂານຕອບ, ແຕ່ວ່າ, ໃນໝູ່ຄົນເຫຼົ່ານີ້ບໍ່ເຫັນວ່າຈະມີຜູ້ຮູ້ໃຈເຈົ້າແທ້. ຜູ້ຮູ້ໃຈກັນບໍ່ແມ່ນຈະໃຊ້ເງິນຄຳຊື້ເອົາມາໄດ້, ແລະກໍ່ບໍ່ແມ່ນວ່າຖານະຕຳແໜ່ງຈະດູດດຶງມາໄດ້, ຄວາມຮູ້ໃຈກັນແບບນີ້ແມ່ນມາຈາກຄວາມຮຽກເອີ້ນກັບການຂານຕອບລະຫວ່າງຈິດວິນຍານ.
ຄົນຮູ້ໃຈກັນ, ມີຄ່າຢູ່ບ່ອນທີ່ເຂົ້າໃຈກັນ, ເປັນຕາແພງຢູ່ບ່ອນທີ່ຮູ້ໃຈກັນ. ຜູກມິດກັບຜູ້ໃດຜູ້ໜຶ່ງແມ່ນເລື່ອງງ່າຍ, ແຕ່ວ່າຢາກໃຫ້ມີຄົນຮູ້ໃຈກັນບໍ່ແມ່ນເລື່ອງງ່າຍ.
