ເພື່ອນເຈົ້າສາວໃນພິທີແຕ່ງດອງຂອງເພື່ອນມິດແກ້ວມະນີ
ການແຕ່ງດອງແມ່ນເລື່ອງໃຫຍ່ໃນຊີວິດຂອງຄົນເຮົາ. ງານດອງແບບຈີນດັ້ງເດີມລຽບງ່າຍແຕ່ຟົດຟື້ນຄຶກຄື້ນ,ເຕັມໄປດ້ວຍບັນຍາກາດທີ່ເປັນສິລິມຸງຄຸນທັງມີພິທີຄົບຖ້ວນ; ແຕ່ວ່າໃນຍຸກປັດຈຸບັນ, ໂດຍສະເພາະໃນຕົວເມືອງແມ່ນຫາເບິ່ງແລ້ວ.
ຄານຫາມແມ່ນເນື້ອໃນໃຈກາງອັນໜຶ່ງຂອງງານດອງດັ້ງເດີມ. ໃນເວລາຈັດພິທີ, ເຈົ້າສາວຕ້ອງນັ່ງຢູ່ໃນຄານຫາມຈາກເຮືອນແມ່ຖືກຫາມໄປສູ່ເຮືອນເຈົ້າບ່າວ. ຄານຫາມນີ້ສ່ວນຫຼາຍແມ່ນ 4 ຄົນຫຼື 8 ຄົນຫາມ, ທັງແບ່ງເປັນ"ຄານຫາມມັງກອນ"ແລະ"ຄານຫາມຫົງ". ນອກຈາກຄົນຫາມແລ້ວ, ຍັງມີຜູ້ຕິດຕາມເປົ່າແຄນ, ຕີຄ້ອງ, ຖືຄັນຮົ່ມແລະວີເປັນຕົ້ນ, ໜ່ວຍຄານຫາມຢ່າງໜ້ອຍມີ 10 ກວ່າຄົນຫລືຫຼາຍສິບຄົນ, ສະຫງ່າຜ່າເຜີຍທີ່ສຸດ. ໃນງານດອງແບບຈີນດັ້ງເດີມ, ເຈົ້າສາວຕ້ອງປົກຜ້າແດງ, ໂດຍມີເພື່ອນເຈົ້າສາວຕິດຕາມ, ໃຫ້ເຈົ້າບ່າວຈູງດ້ວຍຜ້າໄໝສີແດງແລະຄ່ອຍຍ່າງຂຶ້ນຄານຫາມ. ໃນກາງທາງໄປເຮືອນເຈົ້າບ່າວ, ຜູ້ຫາມເຮັດໃຫ້ຄານຫາມໂງກໄປເງກມາແຮງໆແມ່ນບັນຍາກາດຄຶກຄື້ນທີ່ຂາດບໍ່ໄດ້. ຜູ້ຫາມເຮັດໃຫ້ຄານຫາມໂງກເງກໄປທາງຊ້າຍທາງຂວາ, ເຈົ້າສາວຢູ່ໃນຄານຫາມກໍໂງກເງກທາງຊ້າຍທາງຂວາ. ບາງເທື່ອ ເຈົ້າບ່າວຈົນຕ້ອງເຂົ້າແທນເຈົ້າສາວຫຼືຢູ່ຮ່ວມກັບເຈົ້າສາວຂໍໃຫ້ຜູ້ຫາມທັງຫຼາຍຢຸດເຊົາ, ສ່ວນໃນເວລານັ້ນ ຄົນທັງຫຼາຍຈະຫົວຢ່າງມ່ວນຊື່ນ, ທີ່ຈິງແລ້ວກໍແມ່ນພຽງແຕ່ເພື່ອເພີ່ມບັນຍາກາດສິລິມຸງຄຸນໃຫ້ງານຊື່ໆ.
ໄຫວ້ຟ້າດິນ
ເຈົ້າສາວໃນສະໄຫມບູຮານຈີນ
