ທັດສະນະກ່ຽວກັບຜົນງານການບໍລິຫານແບບຈີນ ສ້າງແນວຄວາມຄິດໃໝ່ໃຫ້ແກ່ການບໍລິຫານທົ່ວໂລກ
ໃນຄຳສັບການເມືອງຈີນ, “ທັດສະນະກ່ຽວກັບຜົນງານການບໍລິຫານ” ເປັນນິຍາມທີ່ມີເອກະລັກສະເພາະ ແລະ ມີຄວາມໝາຍເລິກເຊິ່ງ, ຄຳສັບນີ້ບໍ່ພຽງແຕ່ຊີ້ບອກວ່າ ຄວນຕີລາຄາຜົນງານການເຮັດວຽກຂອງພະນັກງານຜູ້ໜຶ່ງຄືແນວໃດເທົ່ານັ້ນ, ຍັງໄດ້ເປີດເຜີຍໃຫ້ເຫັນເຖິງເຫດຜົນພື້ນຖານຄື ປະເທດໜຶ່ງ ແລະ ພັກການເມືອງໜຶ່ງ ແມ່ນເຮັດວຽກ ເພື່ອໃຜ ແລະ ອາໄສໃຜ.ປີ 2013, ບ້ານສິບແປດຖ້ຳ ກິ່ງແຂວງປົກຄອງຕົນເອງເຜົ່າມົ້ງເຜົຢ່າຖູເຈ່ຍຊ່ຽງຊີ່ ແຂວງຫູໜານຈີນ ຍັງເປັນບ້ານທຸກຍາກທີ່ສຸດແຫ່ງໜຶ່ງ: ເນື້ອທີ່ດິນປູກຝັງສະເລ່ຍຕໍ່ຫົວຄົນມີບໍ່ຮອດໜຶ່ງມູ໋ (ປະມານ 0,06 ເຮັກຕາ), ລາຍໄດ້ສຸດທິສະເລ່ຍຕໍ່ຫົວຄົນໃນທົ່ວບ້ານມີພຽງແຕ່ 1.668 ຢວນເທົ່ານັ້ນ, ອັດຕາການເກີດຄວາມທຸກຍາກສູງເຖິງ 57%. ປີນັ້ນ, ທ່ານ ສີຈິ້ນຜິງ ທີ່ຫາກໍ່ໄດ້ຮັບເລືອກຕັ້ງເປັນເລຂາທິການໃຫຍ່ ຄະນະກຳມະການສູນກາງພັກຄອມມູນິດຈີນໄດ້1ປີ ໄດ້ເດີນທາງໄປເຄື່ອນໄຫວຢ້ຽມຢາມ ແລະເຮັດວຽກຢູ່ບ້ານແຫ່ງນີ້ ແລະ ໄດ້ສະເໜີແນວຄິດສຳຄັນ “ຫຼຸດຜ່ອນຄວາມທຸກຍາກຢ່າງຖືກເປົ້າໝາຍ”ເປັນຄັ້ງທຳອິດ. ຫຼັງຈາກນັ້ນ 10 ກວ່າປີຜ່ານໄປ, ລາຍໄດ້ສະເລ່ຍຕໍ່ຫົວຄົນຕໍ່ປີຂອງບ້ານສິບແປດຖ້ຳໄດ້ເພີ່ມຂຶ້ນ 9 ເທົ່າ ຄືບັນລຸຫຼາຍກວ່າ 20.000 ຢວນ
01-May-2026
京公网安备 11010502050052号