ໃນວົງການຮູບເງົາໂທລະພາບຈີນທ່ີມີນາງງາມຫລາຍປານເມກ,ສ່ວນນາງຊີ່ໄມຈວນ
ພັດແມ່ນນັກສະແດງໄວກາງຄົນທ່ີບໍ່ງາມປານໃດ, ແຕ່ນາງຄ່ອຍໆໄດ້ຮັບຄວາມນິຍົມ
ຊົມຊອບຍ້ອນເພິ່ນສະແດງໄດ້ດີ.

ນາງຊີ່ໄມຈວນປີນີ້ອາຍຸ 48 ປີ,ເກີດຢູ່ຄອບຄົວສາມັນເຂດຊານເມືອງຊຽງໄຮ້, ຍ້ອນມີ
ອ້າຍເອື້ອຍນ້ອງຫລາຍຄົນ, ວັດຖຸເຄື່ອງຂອງກໍ່ຂາດເຂີນ, ແຕ່ຍາມນ້ອຍ, ນາງກໍ່ບໍ່ໄດ້
ຮັບຄວາມຮັກແພງຈາກພໍ່ແມ່.ແຕ່ນາງຊີ່ໄມຈວນພັດຮູ້ສຶກວ່າຕົນໂຊກດີຍ້ອນດຳລົງຊີ
ວິດຢູ່ຊານເມືອງທ່ີມີທິວທັດນາສວນອັນສົດຊື່ນ,ໄດ້ສ້າງອໍ້ສິນລະປະຢ່າງຫລາກຫລາຍ
ໃຫ້ແກ່ເພິ່ນ.ປີ 1973,ຍ້ອນໂຊກດີນາງຊີ່ໄມຈວນຈິ່ງເສັງເຂົ້າຮຽນໃນວິທະຍາຄານລະ
ຄອນຊຽງໄຮ້,ຫລັງຈາກຮຽນຈົບແລ້ວ,ນາງກໍ່ໄດ້ສະແດງລະຄອນເວົ້າຢູ່ເທິງເວທີລະ
ຄອນເວົ້າ ຊຽງໄຮ້ເປັນເວລາ 15 ປີ.ໄດ້ເປັນນາງເອກໃນລະຄອນເວົ້າເລື່ອງທ້າວໂຣ
ມີໂອກັບນາງຈູລີເອ(ROMEO and JULIET) ເລື່ອງຄວາມຝັນຂອງຈີນແລະເລື່ອງ
ອື່ນໆ.ນາງຊີ່ໄມຈວນໄດ້ອີງໃສ່ລີລາການສະແດງເທິງເວທີອັນແຫນ້ນຫນາແລະທ່ອງ
ຄຳເວົ້າຢ່າງສຸກງອມ,ຈົນໄດ້ຮັບລາງວັນລະຄອນງິ້ວຈີນຕັ້ງຫລາຍເທື່ອ. ເວລານັ້ນ,
ນາງຊີ່ໄມຈວນແມ່ນເມົານຳແຕ່ສິນລະປະເທິງເວທີ.

ນາງເວົ້າວ່າ:ຂ້າພະເຈົ້າເຄີຍຮູ້ສຶກວ່າຕົນເອງແມ່ນກຳເນີດເກີດຂຶ້ນເພື່ອເວທີ,ຕົວຢ່າງ
ຄື,ນັກສະແດງອາວຸໂສເຄີຍເລົ່າຕົວແບບສິນລະປະສູ່ພວກເຮົາຟັງວ່າ, ມີນັກສະແດງ
ຜູ່ໃດຜູ່ຫນຶ່ງກໍ່ຕາຍຄາເວທີ.ເມື່ອໄດ້ຟັງຄຳເວົ້າແນວນີ້ແລ້ວ, ກໍ່ເຮັດໃຫ້ຂ້າພະເຈົ້າຕື່ນ
ຕັນໃຈແລະເຄົາລົບທ່ີສຸດ.