ໃນຊຸມປີ 80-90 ສັດຕະວັດທີແລ້ວ, ນັກສະແດງລະຄອນເວົ້າຂອງຈີນໄດ້ທະຍອຍກັນ
ປ່ຽນໄປສະແດງຮູບເງົາແລະໂທລະພາບ,ໃນຄາວນັ້ນ,ຜູ່ກຳກັບການສະແດງຮູບເງົາ ໂທລະພາບຫລາຍທ່ານຫລັງຈາກຊົມການສະແດງຂອງນາງຊີ່ໄມຈວນແລ້ວເຫັນວ່າ,
ນາງຊີ່ໄມຈວນສະແດງເກັ່ງບໍ່ຢອກ,ເສຍດາຍແຕ່ບໍ່ງາມປານໃດ.ຈົນຮອດປີ 1992,

ນາງຊີ່ໄມຈວນຈິ່ງໄດ້ເປັນນາງເອກສະແດງຮູບເງົາເລື່ອງທຳອິດຂອງນາງ,ລີລາສະ
ແດງອັນຫນັກແຫນ້ນຂອງນາງກໍ່ໄດ້ຮັບຄວາມເຫັນດີເຫັນພ້ອມຈາກຜູ່ກຳກັບການສະ
ແດງທັງຫລາຍ.ແຕ່ນັ້ນມາ, ນາງຊີ່ໄມຈວນຈິ່ງໄດ້ເຊັນສັນຍາຖ່າຍຮູບເງົາຫລາຍຂຶ້ນ
ຊັກໄຊ້,ແລະໄດ້ຮັບລາງວັນຫລາຍເທື່ອເຊິ່ງລວມທັງລາງວັນຮວາປຽວ ເຊິ່ງເປັນ
ລາງວັນຮູບເງົາຂອງລັດຖະບານຈີນ.

ນາງຊີ່ໄມຈວນແມ່ນຫນຶ່ງໃນນັກສະແດງເພດຍິງທ່ີເຊີດຫນ້າຊູຕາຫລາຍສົມຄວນໃນ
ຮູບເງົາ ໂທລະພາບຈີນໃນປະຈຸບັນ. ນາງໄດ້ສ້າງຮູບປະພັນເພດຍິງຫລາຍຢ່າງ
ຫລາຍແນວ,ອັນທີ່ຄົນທັງຫລາຍຈື່ຈຳໄດ້ດີກວ່າຫມູ່ແມ່ນຣູບຂອງຜູ່ເປັນແມ່ໃນໂທ
ລະພາບເລື່ອງເຮືອນຕູບຫລັງສຸດທ້າຍທ່ີອອກອາກາດຫວ່າງກ່ອນນີ້ບໍ່ດົນ, ນາງໄດ້
ສະແດງເປັນແມ່ຜູ່ຫນຶ່ງທ່ີສ້າງພາລະກິດຮຸ່ງເຮືອງ,ນາງເປັນແມູ່ຜູ່ຫນຶ່ງທ່ີຈິດອາລົມ
ອຸດົມສົມບູນ.ໃນຍາມຍັງຫນຸ່ມ, ເພິ່ນມີລູກຜູ່ຫນຶ່ງ, ຍ້ອນມູນເຫດໃດຫນຶ່ງເລີຍເອົາ
ລູກໄປຝາກລ້ຽງຢູ່ນຳຄອບຄົວອື່ນ,ພາຍລຸນມາ ເລີຍບໍ່ຮູ້ຂ່າວຄາວ.ຜ່ານມາຫລາຍປີ,
ແມ່ຜູ່ນີ້ກໍ່ເລີຍເອົາຜົວໃຫມ່,ແລະໄດ້ລູກຜູ່ຫນຶ່ງ.ໃນໂອກາດບັງເອີນ,ຜູ່ເປັນແມ່ຈິ່ງຮູ້
ວ່າ, ລູກຜູ່ທຳອິດຢູ່ໃສ,ຈາກນັ້ນຈິ່ງເຮັດໃຫ້ລາວຂັດຂ້ອງຫມອງໃຈຄື:ດ້ານຫນຶ່ງແມ່ນ
ລູກທ່ີຕົນຄິດຮອດຕະຫລອດເວັນຄືນ, ດ້ານຫນຶ່ງອີກຄອບຄົວແລະພາລະກິດທ່ີມີຢູ່ໃນ
ປະຈຸບັນໄດ້ເຮັດໃຫ້ລາວຄັດເລືອກຍາກ.ການສະແດງຂອງນາງຊີ່ໄມຈວນແມ່ນຖືກ
ກັບຖານະຂອງ ຜູ່ເປັນແມ່ຢ່າງຄັກແນ່ແທ້ຈິງແລະກະຕຸ້ນໃຈຄົນທ່ີສຸດ,ຄວາມເມດຕາ ແລະສະຕິສຳປະຊັນຍະທ່ີສະແດງອອກໃນແກ້ວຕາຂອງນາງໄດ້ເຮັດໃຫ້ຜູ່ຊົມສຳນຶກ
ເຖິງຄວາມເດັດດ່ຽວຫນຽວແຫນ້ນ,ບໍ່ແຜ່ເຜີຍແລະຈິດອາລົມທ່ີບໍ່ເຫັນແກ່ຕົວຂອງ
ເພດຍິງຈີນ.