|
  
ຮູບການສະແດງເທິງເວທີຂອງທ້າວໄອຣເກີນກໍ່ແມ່ນຫລາຍສີຫລາຍສັນ, ມີວາດຊົງເຜົນສະໄຫມນິຍົມ, ໄດ້ສະແດງໃຫ້ເຫັນໂສມຫນ້າໃຫມ່ຂອງຄົນຮຸ່ນໃຫມ່ຂອງເຜ່ົາໄວອູເອີ,ມີກິ່ນອາຍຍຸກສະໄຫມຢ່າງແຮງກ້າ.ຕອນຫນ້າມ່ວນຫນ້າຟັງຂອງເພງເທື່ອໃດເພິ່ນກໍ່ແມ່ນສະແດງຕາມຄວາມບັນດານໃຈຂອງຕົນ, ບໍ່ມີວິທີຕາຍຕົວ.ເພິ່ນເວົ້າວ່າ, ເພິ່ນບໍ່ມັກດົນຕີຕາຍຕົວເຫລົ່ານັ້ນທ່ີສຸດ, ບໍ່ມັກຮູບແບບຮ້ອງເພງຕາມເທັບດົນຕີປະສານໃນເວລາເຂົ້າຮ່ວມການແຂ່ງຂັນຮ້ອງເພງ, ເພິ່ນເຫັນວ່ານີ້ແມ່ນເລື່ອງທ່ີບໍ່ທຳມະຊາດທ່ີສຸດແລະບໍ່ລຶ້ງແກວ່ນທ່ີສຸດ, ເຮັດໃຫ້ເພິ່ນບໍ່ສາມາດທຸ່ມເທເຂົ້າໃນດົນຕີ, ມີແຕ່ຕົນເອງທັງຮ້ອງທັງເສບທໍ່ນັ້ນ ຈິ່ງສາມາດສະແດງໃຫ້ເຫັນຄວາມຮູ້ສຶກອັນແທ້ຈິງທ່ີມີຕໍ່ດົນຕີ.
ເວົ້າສຳລັບທ້າຍໄອຣເກີນແລ້ວ, ດົນຕີກໍ່ແມ່ນສິ່ງທັງຫມົດ.ນາງລຽນນາ ນາຍຫນ້າຂອງທ້າຍໄອຣເກີນເລົ່າເລື່ອງຫນຶ່ງໃຫ້ນັກຂ່າວຟັງວ່າ:ທ້າວໄດ້ຮັບລາງວັນໃນເວລາເຂົ້າຮ່ວມການແຂ່ງຂັນທ້າທາຍ,ມີນັກຂ່າວຫລາຍຄົນຖາມທ່ານວ່າ, ຈະຊຳລະລາງວັນຂອງຕົນແນວໃດ.ເພິ່ນເວົ້າວ່າ,ຖ້າຢາກໃຫ້ຂ້າພະເຈົ້າເວົ້າຄວາມຈິງ,ຂ້າພະເຈົ້າຈະຂາຍລາງວັນ.ໃນທ່ີສຸດ,ເພິ່ນໄດ້ຂາຍລາງວັນຂອງຕົນແທ້.ລາງວັນຂອງເພິ່ນແມ່ນເຄື່ອງດີວີດີຈໍແ້ວບາງພິເສດສຳລັບຕິດຕັ້ງໃນລົດ ເຊິ່ງແມ່ນໂທລະພາບຟູຈິແລະບໍລິສັດເກີເລີ້ຂອງຍີ່ປຸ່ນເອົາໃຫ້.ຕາມເວົ້າວ່າມີມູນຄ່າ 2 ຫມື່ນຢວນ.ເພິ່ນຂາຍລາງວັນບໍ່ແມ່ນຍ້ອນຄວາມຂັດສົນຂອງຊີວິດການເປັນຢູ່,ຫາກແມ່ນຍ້ອນທ່ານມັກກິດຕາຟຼາເມນໂກບາງພິເສດອັນຫນຶ່ງມາແຕ່ດົນແລ້ວ,ທ່ານເວົ້າວ່າ, ເວລາໄປຍີ່ປຸ່ນ, ຂ້າພະເຈົ້າໃສ່ຂີ້ຮ້າຍແດ່ບໍ່ເປັນຫຍັງ, ແຕ່ກິດຕາຂອງຂ້າພະເຈົ້າຕ້ອງແມ່ນດີກວ່າຫມູ່.
ປີ 2003 ທ້າຍໄອຣເກີນໄດ້ໄປທ່ຽວສະແດງຢູ່ພາກໃຕ້ຝຣ່ັງ;ຍັງໄດ້ສຳເລັດຈານເພງແຜມ່ນທີສອງຕົນ, ໃນປະມວນເພງດັ່ງກາວຈະປະກົດມີດົນຕີບຼູສ ດົນຕີລາຕີນແລະດົນຕີພື້ນເມືອງດ ແຕ່ລ້ວນແຕ່ແມ່ນການທົດລອງທຳນອງດົນຕີຕ່າງກັນບົນພື້ນຖານດົນຕີຊົນເຜົ່າ.
(ທ້າວໄອຣເກີນ)
ທ້າວໄອຣເກີນກ່າວວ່າ: ດົນຕີໄດ້ນຳເອົາທຸກສິ່ງທຸກຢ່າງມາໃຫ້ຂ້າພະເຈົ້າ,ດົນຕີຂອງຂ້າພະເຈົ້າແມ່ນມາແຕ່ຊີວິດການເປັນຢູ່,ມາແຕ່ປະສົບການທ່ີຕ່າງກັນໃນທຸກມື້,ດົນຕີທ່ີແຕ່ງໃນມື້ນີ້ແມ່ນຕ່າງກັນກັບດົນຕີທ່ີແຕ່ງໃນມື້ອື່ນ, ດົນຕີຈຳນວນຫລວງຫລາຍຍັງຕ້ອງສືບຕໍ່ໍຊອກຄົ້ນແລະເຮັດໃຫ້ອຸດົມສົມບູນຂຶ້ນ.
1 2 3 4
|
