|
(ສຸສານນາຍພົນ)
ຫວ່າງມໍ່ໆນີ້,ກອງປະຊຸມຄະນະກຳມະການມໍລະດົກໂລກຄັ້ງທີ28ຂອງອົງການຢູເນັສໂກທີ່ໄຂຂຶ້ນຢູ່ເມືອງຊູ່ໂຈ່ວຂອງຈີນໄດ້ອັດລົງແລ້ວ.ເມືອງຫຼວງເກົາໂກ່ລີ້ ສຸສານເຈົ້າຊີວິດແລະຂຸມຝັງເຈົ້າຂຸນມຸນນາຍຂອງຈີນໄດ້ຮັບອະນຸມັດຈັດເຂົ້າບັນຊີລາຍຊື່ມໍລະດົກໂລກໃນກອງປະຊຸມຄັ້ງນີ້.
(ຊຸມສຸສານເຈົ້າຊີວິດແລະຂຸມຝັງສົບເຈົ້າຂຸນມຸນນາຍໃຕ້ເມືອງພູ)
ເກົາໂກລີ້ແມ່ນຊົນເຜ່ົາບູຮານທີ່ດຳລົງຊີວິດຢູ່ພາກຕາເວັນອອກສຽງເໜືອຂອງຈີນແຕ່1ສະ ຕະວັດກ່ອນຄ.ສ.ຮອດສະຕະວັດທີ7,ແມ່ນສາຂາໜຶ່ງຂອງຊົນເຜ່ົາຟູ່ຢູ.ກ່ອນຄ.ສ.37ປີ, ທ່ານຈູ່ເມີງ ຊາວຟູ່ຢູຜູ່ໜຶ່ງຕັ້ງອະນາຈັກຢູ່ເມືອງເກົາໂກ່ລີ້ໃນຄາວນັ້ນ(ຄື ຢູ່ໃນເມືອງຊິ່ນປິ່ນຂອງແຂວງລຽວນີງປະຈຸບັນ),ເອີ້ນວ່າອະນາຈັກເກົາໂກ່ລີ້.ແລ້ວຍ້າຍເມືອງຫຼວງໄປຕັ້ງຢູ່ ເມືອງກົວເນ້,ຮອດປີ427ຈຶ່ງຍ້າຍເມືອງຫຼວງໄປຕັ້ງຢູ່ພຽງຢາງ.
(ຂຸມຝັງສົບຜະໜວກເລກໜຶ່ງຂອງສຸສານນາຍພົນ)
ໃນໄລຍະອະນາຈັກເກົາໂກ່ລີ້ເຮືອງອຳນາດນັ້ນ,ຂອບເຂດອິດທິກຳລັງແມ່ນກວມລວມ ພາກຕາເວັນອອກຂອງແຂວງຈີລີນ ພາກຕາເວັນອອກສຽງເໜືອຂອງແຂວງລຽວນີງຂອງຈີນ,ແລະພາກເໜືອຂອງແຫຼມເກົາຫຼີ.ປີຄ.ສ.668,ອະນາຈັກເກົາໂກ່ລີ້ຖືກທະຫານປະສົມຊິ່ນລໍເຊິ່ງ ປະກອບດ້ວຍທະຫານລາດຊະວົງຖາງກັບແຫຼມເກົາຫຼີນັ້ນດັບສູນ,ແລະຮັກສາການພົວພັນຂຶ້ນກັບກັບລາດຊະວົງທຸກສະໄໝ,ແມ່ນອຳນາດການປົກຄອງທ້ອງຖ່ິນທີ່ຖືກລາດຊະວົງເຂດຍ່ານກາງຍ່ານໃຕ້ແມ່ນ້ຳເຫຼືອງຈຳກັດແລະຄຸ້ມຄອງ,ບໍ່ວ່າທາງດ້ານການເມືອງຫຼືທາງດ້ານວັດທະນະທຳ,ລ້ວນແຕ່ໄດ້ຖືກລາດຊະວົງຢູ່ເຂດຍ່ານກາງຍ່ານໃຕ້ແມ່ນ້ຳເຫຼືອງກະທົບກະເທືອນຢ່າງແຂງແຮງ.
(ດິນຂໍທີ່ຄວັດເປັນຮູບຫົວສັດໃນສະໄໝອະນາຈັກເກົາໂກ່ລີ້)
ເສດຖະກິດຂອງອະນາຈັກເກົາໂກ່ລີ້ແມ່ນເອົາກະສິກຳເປັນຫຼັກ,ທັງມີການປະມົງແລະການລ່າເນື້ອ.ອະນາຈັກເກົາໂກ່ລີ້ໃຊ້ຕົວໜັງສືຈີນບັນທຶກເຫດການ,ທັງນີ້ໄດ້ຮັບການຢັ້ງຢືນຈາກຕົວໜັງສືຈີນທີ່ຄວັດໄວ້ຢູ່ຕາມອະນຸສາວະລີເຈົ້າຊີວິດຮ້າວໄທ້ ສີລາຈາລຶກລັດຈ່ົງຢວນ ເສຂຸມຝັງສົບຢານໂມພ້ອມທັງດິນຈີ່ຈຳນວນຫຼວງຫຼາຍ.ເມືອງພູທີ່ໝັ້ນແກ່ນ ສຸສານທີ່ສະ ຫງ່າຜ່າເຜີຍຮູບແຕ້ມຝາຜະໜັງໃນຂຸມຝັງສົບທີ່ຈະເລີນຮຸ່ງເຮືອງຂອງອະນາຈັກເກົາໂກ່ລີ້ແມ່ນສ່ວນປະກອບອັນສຳຄັນຂອງອາລະຍະທຳສະໄໝບູຮານຂອງຈີນ.
(ກາທອງໃນສະໄໝອະນາຈັກເກົາໂກ່ລີ້)
ເມືອງເກົາໂກ່ລີ້ ສຸສານແລະຂຸມຝັງສົບເຈົ້າຂຸນມຸນນາຍທີ່ຖືກຈັດເຂົ້າບັນຊີລາຍຊື່ມໍລະດົກໂລກເທື່ອນີ້ຕົ້ນຕໍແມ່ນລວມທັງເມືອງພູອູໜຸຍຊ່ານ ເມືອງກົວເນ້ ເມືອງວານຕູ່ຊ່ານ ສຸສານ 12ແຫ່ງ ຂຸມຝັງສົບເຈົ້າຂຸນມຸນນາຍ26ແຫ່ງ ອະນຸສາວະລີເຈົ້າຊີວິດຮ້າວໄທ້ ຂຸມຝັງສົບຜະໜວກເລກໜຶ່ງຂອງສຸສານນາຍພົນ,ບ່ອນເຫຼົ່ານີ້ຕົ້ນຕໍຕັ້ງຢູ່ເມືອງຈີອ່ານຂອງແຂວງຈີລີນແລະເມືອງຮວນເຢິນຂອງແຂວງລຽວນີງ.
1 2
|
