|
ລາວມີພະລັງນຳ້ອຸດົມສົມບູນ,ການສົ່ງອອກໄຟຟ້ານຳ້ຕົກແມ່ນລາຍຮັບເງິນຕາຕ່າງປະເທດຕົ້ນຕໍລາຍໜຶ່ງຂອງລາວ.ສ່ວນໂຄງການຊົນລະປະທານພະລັງໄຟຟ້າຂອງຈີນຢູ່ລາວສ່ວນຫຼາຍແມ່ນບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນເປັນຜູ່ຮັບເໝົາກໍ່ສ້າງ.
ທ່ານນາງຈິ່ນເຈີພິງ ຫົວໜ້າຫ້ອງການບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນສະເໜີໃຫ້ຮູ້ວ່າ:"ບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນແມ່ນໜຶ່ງໃນລັດວິສາຫະກິດຫຼັກແຫຼ່ງທຶນຈີນຂະໜາດໃຫຍ່190ຫຼັງຂອງສູນກາງທີ່ຢູ່ໃຕ້ການຄຸ້ມຄອງຂອງຄະນະກຳມະການຕິດຕາມຄຸ້ມຄອງຊັບສິນແຫ່ງລັດຂອງຄະນະລັດຖະບານຈີນ.ບໍລິສັດດ່ັງກ່າວຕົ້ນຕໍຮັບເໝົາໂຄງການກໍ່ສ້າງຢູ່ຕ່າງປະເທດ,ບໍລິການດ້ານແຮງງານ,ໂຄງການຊ່ວຍເຫຼືອເສດຖະກິດຕໍ່ຕ່າງປະເທດແລະທຸລະກິດການຄ້າຂາເຂົ້າຂາອອກ."
ໃນກະແສການປະຕິຮູບຂອງຈີນຊູ່ມື້ນີ້,ລັດຖະບານຈີນໄດ້ສ່ົງເສີມແລະສະໜັບສະໜູນໃຫ້ວິສາຫະກິດທຸກປະເພດໄປພັດທະນາຢູ່ຕ່າງປະເທດ,ໂດຍສະເພາະແມ່ນຂະແໜງການຊົນລະປະທານພະລັງໄຟຟ້າຂອງຈີນ.ໃນດ້ານນີ້,ບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນໄດ້ນຳໜ້າວິສາຫະກິດອື່ນໆ.
ໃນ10ກວ່າປີມານີ້,ບໍລິສັດດ່ັງກ່າວໄດ້ຕັ້ງໜ້າເຂົ້າຮ່ວມການກໍ່ສ້າງພະລັງໄຟຟ້າຂອງປະເທດອ້ອມຂ້າງໂດຍຕະຫຼອດ.ທ່ານນາງຈິ່ນເຈີພິງບອກນັກຂ່າວວ່າ:"ຕະຫຼາດອາຊຽນເປັນຕະຫຼາດສຳຄັນຂອງບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນໂດຍຕະຫຼອດ.ບໍລິສັດພວກເຮົາໄດ້ຮັບເໝົາກໍ່ສ້າງກິດຈະການຊົນລະປະທານຈຳນວນຫຼວງຫຼາຍຢູ່ຫວຽດນາມ,ລາວ,ກຳປູເຈຍ,ໄທ,ຟີລິບປິນແລະສິງກະໂປ,ມີຊື່ສຽງດົ່ງດັງຢູ່ປະເທດເຫຼົ່ານີ້.ໂດຍສະເພາະແມ່ນໄດ້ຮັບເໝົາກໍ່ສ້າງໂຄງການເຂື່ອນໄຟຟ້ານຳ້ຕົກ3ໂຄງການຢູ່ລາວເປັນລຳດັບ."
ໂຄງການເຂື່ອນໄຟຟ້ານຳ້ເລີກຕັ້ງຢູ່ບ່ອນຫ່າງຈາກວຽງຈັນນະຄອນຫຼວງຂອງລາວໄປທາງທິດເໜືອ135ກິໂລແມັດ.ແມ່ນໂຄງການເຂື່ອນໄຟຟ້ານຳ້ຕົກທີ່ທະນາຄານພັດທະນາອາຊີແລະກອງທຶນຮ່ວມມືກັບຕ່າງປະເທດຂອງຍີ່ປຸ່ນຮ່ວມກັນລົງທຶນຢູ່ລາວ.ເຂື່ອນໄຟຟ້າແຫ່ງນີ້ມີກຳລັງຜະລິດກະແສໄຟຟ້າ6ໝື່ນກິໂລວັດ.ບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນປະມູນໄດ້ກິດຈະການກໍ່ສ້າງດ່ັງກ່າວ.ໂຄງການດ່ັງກ່າວເລີ່ມກໍ່ສ້າງໃນເດືອນທັນວາປີ1996,ແລະສ້າງສຳເລັດໃນເດືອນທັນວາປີ1999.ຍ້ອນວ່າໂຄງການດ່ັງກ່າວຕັ້ງຢູ່ໃນເຂດສະຫງວນທຳມະຊາດແຫ່ງຊາດລາວ.ຝ່າຍລົງທຶນມີຄວາມຮຽກຮ້ອງເຄັ່ງຄັດທີ່ສຸດຕໍ່ການອະນຸລັກສິ່ງແວດລ້ອມ,ພາຍຫຼັງບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນກໍ່ສ້າງໂຄງການດ່ັງກ່າວແລ້ວ,ໄດ້ພະຍາຍາມເຮັດໃຫ້ຜົນກະທົບບໍ່ດີຕໍ່ສິ່ງແວດລ້ອມທຳມະຊາດໃນການກໍ່ສ້າງຫຼຸດໜ້ອຍລົງບົນພື້ນຖານເອົາໃຈໃສ່ຄຸນນະພາບຂອງໂຄງການ.
1 2
|
