|
ໃນເວລາໃຫ້ສຳພາດຕໍ່ນັກຂ່າວ,ທ່ານນາງຈິ່ນເຈີພິງ ຫົວໜ້າຫ້ອງການບໍລິສັດຊົນລະປະທານພະລັງເຟຟ້າຕໍ່ຕ່າງປະເທດຂອງຈີນເວົ້າວ່າ:
"ການກໍ່ສ້າງໂຄງການເຂື່ອນໄຟຟ້ານຳ້ເລີກຢ່າງສຳເລັດຜົນນັ້ນໄດ້ເຮັດໃຫ້ບໍລິສັດພວກເຮົາຮັບເໝົາກໍ່ສ້າງໂຄງການພັດທະນາເຂື່ອນໄຟຟ້ານຳ້ມັງ3ພ້ອມດ້ວຍໂຄງການກິດຈະການສົ່ງໄຟຟ້າຂອງເຂື່ອນໄຟຟ້າດ່ັງກ່າວຕໍ່ເນື່ອງກັນ.ເຂື່ອນໄຟຟ້ານຳ້ມັງຕັ້ງຢູ່ບ່ອນຫ່າງຈາກນະຄອນຫຼວງວຽງຈັນໄປທາງທິດເໜືອ60ກິໂລແມັດ.ໂຄງການດ່ັງກ່າວມີກຳລັງແຮງຜະລິດກະແສໄຟຟ້າ4ໝື່ນກິໂລວັດ,ສາມາດຜະລິດກະແສໄຟຟ້າ133ລ້ານກິໂລວັດໂມງຕໍ່ປີ.ຈຸດປະສົງແມ່ນສ້າງເຂື່ອນຕັດນຳ້ໃຫ້ກາຍເປັນອ່າງເກັບນຳ້ຢູ່ເຂດພູດອຍທີ່ກໍ່ສ້າງໂຄງການ,ໃຊ້ນຳ້ທີ່ຕົກຈາກບ່ອນສູງ540ແມັດ,ນຳ້ໄຫຼຜ່ານລະບົບຜະລິດໄຟຟ້າເຂົ້າສູ່ໂຮງງານຜະລິດເຟຟ້າແລະໃຊ້ນຳ້ທີ່ລະບາຍຈາກໂຮງໄຟຟ້າ,ລະບາຍເຂົ້ານາສວນ.ໂຄງການນຳ້ມັງ3ແມ່ນໂຄງການສິນເຊື່ອຂາອອກທີ່ມີຂະໜາດໃຫຍ່ສົມຄວນ,ແລະກໍ່ແມ່ນໂຄງການສິນເຊື່ອຂາອອກທີ່ມີຂະຫນາດໃຫຍ່ກວ່າໝູ່ຂອງລັດຖະບານລາວໃນຄາວນັ້ນ.ໂຄງການດ່ັງກ່າວໄດ້ຮັບຄວາມເອົາໃຈໃສ່ໃນລະດັບສູງຈາກລັດຖະບານຂອງສອງປະເທດຈີນລາວ,ແລະກໍໄດ້ຮັບການສະໜັບສະໜູນຢ່າງແຂງແຮງຈາກອົງການປົກຄອງແລະປະຊາຊົນທ້ອງຖິ່ນ."
ໃນເວລາ20ກວ່າປີທີ່ຈີນປະຕິບັດການປະຕິຮູບ,ບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນສາມາດນຳໜ້າພາທາງໃນຂະແໜງການດຽວກັນນັ້ນ,ແມ່ນຍ້ອນບໍລິສັດດ່ັງກ່າວໄດ້ສະສົມບົດຮຽນອັນອຸດົມສົມບູນໃນດ້ານຕ່າງໆເຊັ່ນຮັບເໝົາກໍ່ສ້າງໂຄງການສາກົນ,ໃຫ້ຄຳປຶກສາດ້ານເຕັກນິກ,ການສ່ົງແຮງງານໄປຕ່າງປະເທດ,ການຮ່ວມມືເສດຖະກິດເຕັກນິກກັບຕ່າງປະເທດແລະທຸລະກິດການຄ້າຂາເຂົ້າຂາອອກເປັນຕົ້ນ.ໄດ້ບຳລຸງສ້າງຜູ່ມີຄວາມຮູ້ຄວາມສາມາດສັງລວມງວດໜຶ່ງທີ່ຊຳນິຊຳນານການທຸລະກິດຄຸ້ມຄອງຍຸກປະຈຸບັນ,ຊຳນິຊຳນານດ້ານເຕັກນິກກິດຈະການກ້າວໜ້າ,ແລະກຳວິຊາຄວາມຮູ້ຫຼາຍຢ່າງ.ມີຕະຫຼາດຕ່າງປະເທດທີ່ກວ້າງຂວາງແລະໝັ້ນຄົງ.ມີທ່າແຮງແລະກຳລັງແກ່ງແຍ່ງຂ້ອນຂ້າງແຂງແຮງໃນຕະຫຼາດສາກົນ.ມີຊື່ສຽງແລະສັດທາອັນດີງາມຢູ່ຈີນແລະປະເທດກໍ່ສ້າງໂຄງການແລະສະຖາບັນທະນາຄານເຊັ່ນທະນາຄານໂລກ,ທະນາຄານພັດທະນາອາຊີແລະທະນາຄານອາຟິຼກກາເປັນຕົ້ນ.ແຕ່ມື້ສ້າງຕັ້ງບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນມາຮອດປະຈຸບັນ,ບໍລິສັດດ່ັງກ່າວໄດ້ມີປະສົບການກໍ່ສ້າງໂຄງການຊົນລະປະທານພະລັງໄຟຟ້າຢູ່ຕ່າງປະເທດເປັນເວລາ40ກວ່າປີແລ້ວ.ນັບມາຮອດທ້າຍປີ2002,ບໍລິສັດດ່ັງກ່າວໄດ້ສ້າງສຳເລັດ600ກວ່າໂຄງການກໍ່ສ້າງແລະ120ກວ່າໂຄງການໃຫ້ຄຳປຶກສາແລະດ້ານແຮງງານຢູ່50ກວ່າປະເທດແລະເຂດແຄວ້ນ.ຍອດມູນຄ່າໃນຂໍ້ຜູກພັນນັບລວມແລ້ວມີ3ຕື້ໂດລາສະຫະລັດ.ໄດ້ແຕ່ງຕັ້ງພະນັກງານຄຸ້ມຄອງທຸລະກິດແລະພະນັກງານເຕັກນິກວິສະວະກຳປະເພດຕ່າງໆ4ໝື່ນກວ່າເທື່ອຄົນ.
ບໍລິສັດຊົນລະປະທານພະລັງໄຟຟ້າຕໍ່ຕ່າງປະເທດຂອງຈີນໄປພັດທະນາຢູ່ຕ່າງປະເທດນັ້ນບໍ່ພຽງແຕ່ໄດ້ນຳເອົາຜົນປະໂຫຍດເສດຖະກິດອັນມະຫາສານມາສູ່ປະເທດທີ່ກ່ຽວຂ້ອງທໍ່ນັ້ນ,ຍັງໄດ້ເພີ່ມທະວີມິດຕະພາບອັນເປັນມູນເຊື້ອທີ່ນັບມື້ນັບແໜ້ນແຟ້ນຂຶ້ນລະຫວ່າງຈີນກັບປະເທດເຫຼົ່ານີ້ແລະມີບົດບາດຢ່າງຕັ້ງໜ້າແລະພົ້ນເດັ່ນທີ່ສຸດຕໍ່ການເປີດກວ້າງອິດທິພົນອັນກວ້າງເລິກຂອງຈີນໃນບັນດາປະເທດອ້ອມຂ້າງ.
1 2
|
