|
|
 |
| (GMT+08:00)
2004-08-04 14:55:53
|
 |
|
ພູຊິ່ງເຊີງຊ່ານແລະຝາຍຕູ່ຈ່ຽງອ້ຽນ(ສຽງ)
cri
(ຝາຍຕູ່ຈ່ຽງອ້ຽນ)
ຝາຍຕູ່ຈ່ຽງອ້ຽນແມ່ນກິດຈະການຊົນລະປະທານສະໄໝບູຮານທີ່ມີຊື່ສຽງ,ຕັ້ງຢູ່ບົນແມ່ນ້ຳ ໝີນຈ່ຽງ ພາກຕາເວັນຕົກທົ່ງພຽງເຊິງຕູ່ແຂວງເຊສວນ.ກ່ອນສ້າງຝາຍຕູ່ຈ່ຽງອ້ຽນສຳເລັດ, ແມ່ນ້ຳໝີນຈ່ຽງເກີດໄພນ້ຳນອງເລື່ອຍໆ.ປີ256ກ່ອນຄ.ສ.,ທ່ານຫຼີປີ່ງ ຜູ່ຊ່ຽວຊານຊົນລະ ປະທານກັບລູກຂອງເພິ່ນ,ຖອດຖອນເອົາບົດຮຽນປົວແປງແມ່ນ້ຳຂອງຄົນຫຸ້ນກ່ອນ,ນຳພາປະຊາຊົນແຫ່ງນັ້ນກໍ່ສ້າງກິດຈະການຊົນລະປະທານ.ພາຍຫຼັງສ້າງຝາຍຕູ່ຈ່ຽງອ້ຽນສຳເລັດແລ້ວ,ທົ່ງພຽງເຊິງຕູ່ມີດິນດຳນ້ຳຊຸ່ມອັນກວ້າງໃຫຍ່ໄພສານ,ແລະມີຊັບໃນດິນ ສິນໃນນ້ຳອຸດົມສົມບູນ,ຈົນຮອດຊູ່ມື້ນີ້,ກິດຈະການດັ່ງກ່າວຍັງໄດ້ເສີມຂະຫຍາຍບົດບາດຢູ່.
(ຝາຍຢູຈວຍແບ່ງແມ່ນ້ຳໝີນຈ່ຽງເປັນແມ່ນ້ຳໃນແລະແມ່ນ້ຳນອກ)
ກິດຈະການຝາຍຕູ່ຈ່ຽງອ້ຽນປະກອບດ້ວຍສາມພາກສ່ວນ ເຊັ່ນຝາຍຢູຈວຍ ຝາຍເຟ່ຊາ່ ແລະຝາຍປາວພີງໂຂ.ປາກຢູຈວຍແມ່ນຝາຍແບ່ງນ້ຳທີ່ກໍ່ຢູ່ໃຈກາງແມ່ນ້ຳໝີນຈ່ຽງ,ມີຮູບຄືປາໃຫຍ່ໂຕໜ່ຶງນອນຢູ່ໃນແມ່ນ້ຳ,ມັນແບ່ງແມ່ນ້ຳໝີນຈ່ຽງເປັນແມ່ນ້ຳໃນແລະແມ່ນ້ຳນອກ,ແມ່ນ້ຳໃນໃຊ້ສຳລັບລະບາຍນ້ຳເຂົ້ານາ,ແມ່ນ້ຳນອກໃຊ້ສຳລັບລະບາຍນ້ຳນອງ.ຝາຍເຟ່ຊ່າແມ່ນທາງລະບາຍນ້ຳນອງທີ່ສ້າງຢູ່ຕອນກາງຝາຍແບ່ງນ້ຳ,ໃນໄລຍະນ້ຳນອງບໍ່ພຽງແຕ່ ລະບາຍນ້ຳນອງໄດ້,ຍັງສາມາດນຳໃຊ້ພະລັງຂອງເຟືອນນ້ຳທີ່ຈໍ່ຕົວຂຶ້ນໃນເວລານ້ຳຫຼົ້ນຝາຍເຟ່ຊ່າແລ້ວໄຫຼເຂົ້າແມ່ນ້ຳນອກ,ເຮັດໃຫ້ຂີ້ຕົມທີ່ຕົກຕະກອນຢູ່ທາງໜ້າແລະທາງຫຼັງ ປາກປາວພີງໂຂຫຼຸດໜ້ອຍລົງຢ່າງບັງເກີດຜົນ.ຝາຍປາວພີງໂຂແມ່ນປາກນ້ຳໄຫຼເຂົ້າຂອງແມ່ນ້ຳໃນ,ມີຮູບຄືປາກຂວດແກ້ວ.ນອກຈາກລະບາຍນ້ຳແລ້ວຍັງມີບົດບາດຄວບຄຸມປະລິ ມານນ້ຳໄຫຼ.
 
(ຝາຍເຟ່ຊ່າ) (ປາກປາວພີງໂຂ)
ກິດຈະການຊົນລະປະທານຕູ່ຈ່ຽງອ້ຽນໄດ້ປະດິດສ້າງຮູບການຊົນລະປະທານທີ່ຢູ່ຮ່ວມກັນກັບທຳມະຊາດຢ່າງກົມກຽວກັນດ້ວຍສິລະປະສິ່ງກໍ່ສ້າງຊົນລະປະທານທີ່ມີເອກະລັກພິເສດ.ມັນໄດ້ນຳໃຊ້ເງື່ອນໄຂພູມີສາດຂອງທ້ອງຖິ່ນດັ່ງກ່າວເຊັ່ນພາກຕາເວັນຕົກສຽງເໜືອສູງກວ່າ ພາກຕາເວັນອອກສຽງໃຕ້ຕຳ່ກວ່ານັ້ນຢ່າງເຕັມທີ່,ຮັບປະກັນເສີມຂະຫຍາຍປະ ສິດທິຜົນສັງລວມຢ່າງເຕັມສ່ວນເຊັ່ນການປ້ອງກັນນ້ຳນອງ ການລະບາຍນ້ຳເຂົ້ານາສວນ ການຂົນສົ່ງທາງນ້ຳແລະການໃຊ້ນ້ຳຂອງສັງຄົມ.ອັນທີ່ຍິ່ງໃຫຍ່ທີ່ສຸດຂອງມັນແມ່ນແຕ່ ສ້າງຝາຍຕູ່ຈ່ຽງອ້ຽນສຳເລັດໃນ2250ກວ່າປີມານີ້,ຍັງຄົງເສີມຂະຫຍາຍປະສິດທິຜົນນັບມື້ນັບຫຼາຍ.ການກໍ່ສ້າງຝາຍຕູ່ຈ່ຽງອ້ຽນຖືການບໍ່ທຳລາຍຊັບພະຍາກອນທຳມະຊາດແລະນຳໃຊ້ຊັບພະຍາກອນທຳມະຊາດມາຮັບໃຊ້ມວນມະນຸດຢ່າງເຕັມທີ່ເປັນປະຖົມປັດໄຈ,ເຮັດ ໃຫ້ໄພຮ້າຍກາຍເປັນຜົນປະໂຫຍດ,ເຮັດໃຫ້ມະນຸດກັບທຳມະຊາດກົມກຽວກັນແລະເປັນເອ ກະພາບກັນໃນລະດັບສູງ,ໄດ້ແຕ່ງເລື່ອງອັນສະຫງ່າລາສີໃນປະຫວັດສາດຊົນລະປະທານຂອງໂລກ.ປີ1872,ທ່ານລີຈ໌ໂຮ ເຟີນ ນັກພູມີສາດເຢຍລະມັນຍ້ອງຍໍວ່າ: "ວິທີລະບາຍນ້ຳຂອງຝາຍຕູ່ຈ່ຽງອ້ຽນບໍລິບູນປານນີ້,ບໍ່ມີແຫ່ງອື່ນໃດໃນໂລກປຽບປານໄດ້."
1 2 3
|
|
|
