|
ໃນຄະນະກິລາຈີນທ່ີເຂົ້າຮ່ວມງານກິລາໂອລິມປິກອາແຕນ, ມີຄູຝຶກສັນຊາດຕ່າງປະເທດຫຼາຍທ່ານ. ເຖິງວ່າພວກທ່ານມາຈາກປະເທດຕ່າງກັນ ປາກພາສາກໍ່ຕ່າງກັນກໍ່ຕາມ, ແຕ່ພວກທ່ານມີຈຸດຮ່ວມຈຸດໜ່ຶງ, ນັ້ນກໍຄື ບຸກບືນເພ່ືອຈີນ.
ເມ່ືອທ້າຍປີ 1999, ທ່ານກິມຊາງແບັກ ຄົນສ.ເກົາຫຼີທ່ີຖືກເອີ້ນເປັນ "ຄູຝຶກຜີຮ້າຍ" ໄດ້ມາຈີນເປັນຄູຝຶກໃຫຍ່ທີມບານຮອກກີເພດຍິງຈີນ. ໃນການຝຶກຫັດ, ຄວາມຜິດພາດອັນເລັກໜ້ອຍຂອງນັກກິລາຈີນກໍ່ຈະຫຼີກບໍ່ມົ້ມສາຍຕາຂອງເພ່ິນ; ແຕ່ໃນຊີວິດປະຈຳວັນ ທ່ານກິມຊາງແບັກຮັກແພງນັກກິລາຈີນທຸກຄົນປານລູກສາວຂອງຕົນ. ຄວາມຂະຫຍັນພຽນ ຄວາມເຂັ້ມງວດໃນການຝຶກຫັດ ຄວາມເມດຕາແລະດູແລຜູ່ສາວຈີນໃນຊີວິດການເປັນຢູ່, ໄດ້ກາຍເປັນຜົນສຳເລັດຂອງທີມບານຮອກກີເພດຍິງຈີນ. ທີມບານຮອກກີເພດຍິງຈີນກໍກາຍເປັນທີມເພດຍິງອີກທີມໜ່ຶງທ່ີຄົນທັງຫຼາຍຝາກຄວາມຫວັງນຳຫຼັງທີມບານເຕະເພດຍິງຈີນ. ດຽວນີ້ ທີມບານຮອກກີເພດຍິງຂອງຈີນໄດ້ກາຍເປັນທີມບານໜ່ຶງທ່ີມີຢູ່ບໍ່ຫຼາຍໃນທີມກິລາປະເພດບານທ່ີຮ້ອງຄຳຂວັນວ່າຈະຊິງເອົາຫຼຽນຄຳໃນງານໂອລິມປິກອາແຕນ.
ພາບເທິງແມ່ນພາຍຫຼັງທີມບານຮອກກີເພດຍິງຈີນຊິງໄດ້ແຊມປຽນໃນງານເອຊຽນແກມເມ່ືອວັນທີ 11 ຕຸລາປີ 2002 ແລ້ວ, ນັກກິລາຈີນໂຍນທ່ານກິມຊາງແບັກ ຄູຝຶກຂຶ້ນເພ່ືອສະເຫຼີມສະຫຼອງ.
1 2 3 4 5 6
|
