|
ໃນງານຊ່ວງເຮືອກາໂນຊິງຂັນໂລກປີ 2004 ທ່ີຫາກໍ່ສິ້ນສຸດລົງຢູ່ເຢຍລະມັນໃນທ້າຍເດືືອນມິຖຸນາ, ທ້າວເມີງກວນລຽງກັບທ້າວຢາງເວີນຈຸນ ນັກກິລາຊ່ວງເຮືອກາໂນຈີນຊິງໄດ້ແຊມປຽນໂລກ, ເຊ່ິງເປັນການບຸກທະລຸຄັ້ງປະຫວັດສາດ. ທັງນີ້ແມ່ນແຍກອອກຈາກການສອນຂອງຄູຝຶກສັນຊາດຕ່າງປະເທດສອງທ່ານຄື ທ່ານມາກ ປາໂລຊີ ຄົນການາດາເຊື້ອສາຍໂປໂລຍແລະທ່ານຢັສຊີໂນ ຄົນຮົງກາລີບໍ່ໄດ້. ທ່ານປາໂລຊີເຄີຍເປັນຄູຝຶກໃຫຍ່ຂອງທີມຊາດໂປໂລຍເປັນເວລາ 7 ປີ, ຕໍ່ຈາກນັ້ນທ່ານເປັນຄູຝຶກທີມການາດາ 2 ປີເຄ່ິງ, ເປັນຄູຝຶກທີມອາເມລິກາ 2 ປີ, ກ່ອນມາສອນຢູ່ຈີນ ທ່ານແມ່ນຄູຝຶກທີມໂປໂລຍ. ທ່ານເຫັນວ່າຄົນຈີນກັບຄົນຕ່າງປະເທດບໍ່ມີຄວາມແຕກຕ່າງກັນຫຼາຍໃນດ້ານຮ່າງກາຍ, ຂໍກະແຈແມ່ນຕ້ອງພະຍາຍາມຝຶກຫັດແລະຄຸ້ມຄອງຕາມຫຼັກວິທະຍາສາດ. ຄູຝຶກຄົນຕ່າງປະເທດສອງທ່ານນີ້ໄດ້ວາງລະບົບການຝຶກຫັດອັນສົມບູນແລະຕາມຫຼັກວິທະຍາສາດໃຫ້ແກ່ນັກກິລາທີມຈີນ, ເຮັດໃຫ້ນັກກິລາມີຄວາມກ້າວໜ້າຢ່າງວ່ອງໄວ, ແລະໄດ້ສ້າງຄວາມຫວັງໃຫ້ແກ່ທີມຊ່ວງເຮືອກາໂນຈີນໄປຊິງເອົາຜົນດີໃນງານກິລາໂອລິມປິກອາແຕນ.
ພາບ: ເມ່ືອວັນທີ 12 ຕຸລາປີ 2002, ທ່ານປາໂລຊີ(ຊ້າຍ)ພວມກວດກາທີມຊ່ວງເຮືອກາໂນຈີນກ່ອນຈະເຂົ້າຮ່ວມການແຂ່ງຂັນໃນງານເອຊຽນແກມປູຊານ.
1 2 3 4 5 6
|
