|
(ເຮືອນໄມ້ຂອງເຜົ່າສຸ້ຍ)
ເນື່ອງຈາກມີຫ້ວຍຫ່ອງໄຫຼສົນສວານກັນ,ມີພູຜາເປັນເຄືອໄຂວ່ກັນ,ມີພູມອາກາດອົບອຸ່ນແລະມີຝົນຕົກຫຼາຍດິນຊຸ່ມ,ເຮືອນຢູ່ຂອງເຜ່ົາສຸ້ຍສ່ວນຫຼາຍແມ່ນເລືອກເອົາຕົ້ນສົນທີ່ກັນຊຸ້ມໄດ້ມາເປັນວັດຖຸດິບ,ເອົາໄມ້ແປ້ນມາແອ້ມ,ອົງປະກອບແບ່ງອອກເປັນສອງຊັ້ນຄືຊັ້ນລຸ່ມແລະຊັ້ນເທິງ,ບ້ານເຜ່ົາສຸ້ຍສ່ວນຫຼາຍແມ່ນຕັ້ງຢູ່ແຄມຫວ້ຍຫຼືຕີນພູຈ້າຍພູ,ມີຕົ້ນໄມ້ແລະໄມ້ໄຜ່ຂຽວອ້ອມບ້ານ,ຢູ່ໃນບ້ານມີສະລ້ຽງປາແລະຍັງມີຄົກຕຳເຂົ້າແບບບູຮານ,ທັງຫມົດເຫຼ່ົານີ້ເຮັດໃຫ້ບ້ານ,ເມື່ອສັງເກດເບ່ິງແລ້ວເຫັນວ່າ,ເຜ່ົາສຸ້ຍແມ່ນນິຍົມແບບບູຮານແບບລຽບໆ.
ເຜ່ົາສຸ້ຍມີບຸນປະເພນີນິຍົມຫຼາຍ,ມື້ບຸນທີ່ຄຶກຄື້ນກວ່າຫມູ່ແມ່ນບຸນຕວນແຕ່ເດືອນກັນຍາຮອດເດືອນພະຈິກຕາມສຸລິຍະຄະຕິໃນແຕ່ລະປີ,ເຜ່ົາສຸ້ຍມີຄຳບູຮານເວົ້າວ່າ:
ບຸນເຜ່ົາຫ້ານແມ່ນບຸນກຸດຈີນສຳຄັນກວ່າຫມູ່,ບຸນເຜ່ົາສຸ້ຍແມ່ນບຸນຕວນສຳຄັນກວ່າຫມູ່,ບຸນຕວນແມ່ນບຸນທີ່ມີຂອບເຂດກວ້າງຂວາງກວ່າຫມູ່,ມີຄົນເຂົ້າຮ່ວມຫຼາຍກວ່າຫມູ່,ແລະກິນເວລາດົນກວ່າຫມູ່ຂອງເຜ່ົາສຸ້ຍ,ບຸນດ່ັງກ່າວແມ່ນຕັ້ງຕົ້ນມາແຕ່ການເຄື່ອນໄຫວສະຫຼອງບຸນໄຫວ້ຜີຂອງສະຫະພັນກົກເຫຼ່ົາທີ່ເອົາເຄືອຍາດເປັນຂົວຕໍ່,ເຜ່ົາສຸ້ຍມີວິທີຄຳນວນວັນເດືອນປີຂອງຕົນ,ບຸນຕວນກໍແມ່ນເລືອກເອົາແຕ່ເດືອນທັນວາຫາເດືອນກຸມພາປີໃຫມ່ຕາມວິທີຄຳນວນວັນເດືອນປີຂອງເຜ່ົາສຸ້ຍ,ເພາະສະນັ້ນ,ບຸນຕວນກໍແມ່ນບຸນໃຫຍ່ໂຕມະໂຫລານສ່ົງທ້າຍປີເກ່ົາຕ້ອນຮັບປີໃຫມ່,ສະຫຼອງຜົນເກັບກ່ຽວໄດ້ອຸດົມສົມບູນ,ບູຊາປູ່ຍາຕາຍາຍແລະອວຍພອນລ່ວງຫນ້າຈົ່ງມີຄວາມສຸກໃນປີໃຫມ່ຈະເຖິງນີ້.
1 2 3 4 5
|
