|
ທ່ານເຕິ້ງສຽວຜິງ(1904-1997) ແມ່ນນັກລັດທິມາກຜູ່ຍ່ິງໃຫຍ່ ນັກປະຕິວັດຊົນຊັ້ນກຳມາຊີບ ນັກການເມືອງ ນັກການທະຫານ ນັກການທູດ, ແມ່ນຜູ່ນຳສຳຄັນຜູ່ໜ່ຶງຂອງພັກກອມມູນິດຈີນ ກອງທັບປົດປ່ອຍປະຊາຊົນຈີນແລະຂອງສາທາລະນະລັດປະຊາຊົນຈີນ, ແມ່ນນາຍຊ່າງໃຫຍ່ທ່ີອອກແບບການປະຕິຮູບໄຂປະຕູສູ່ພາຍນອກແລະການສ້າງສາໃຫ້ສັງຄົມນິຍົມທັນສະໄໝຂອງຈີນ, ຜູ່ສ້າງຕັ້ງທິດສະດີເຕິ້ງສຽວ
ຜິງ.
ທ່ານເຕິ້ງສຽວຜິງເກີດຢູ່ເມືອງກວາງອານແຂວງເຊສວນເມ່ືອວັນທີ 22 ສິງຫາປີ 1904. ຊ່ືເດີມຊ່ືວ່າເຕິ້ງຊຽນເຊິງ, ຊ່ືໃຊ້ໃນໂຮງຮຽນແມ່ນເຕິ້ງຊີສຽນ. ທ່ານເຂົ້າໂຮງຮຽນແຕ່ເວລາ 5 ຂວບ, ເມ່ືອລະດູໃບໄມ້ຫຼົ່ນປີ 1919 ທ່ານໄດ້ເສັງເຂົ້າໂຮງຮຽນກຽມໄປຮຽນຕໍ່ຢູ່ຝຣ່ັງທ່ີເມືອງຈຸງກິງແບບເຮັດວຽກໄປນຳເພ່ືອຫາທຶນຮຽນ. ເມ່ືອລະດູຮ້ອນປີ 1920, ທ່ານໄດ້ໄປເຮັດວຽກຫາທຶນຮຽນຕໍ່ຢູ່ຝຣ່ັງ. ປີ 1922 ທ່ານເຂົ້າເປັນສະມາຊິກຄະນະຊາວໜຸ່ມສັງຄົມນິຍົມຈີນ, ປີ 1924 ເຂົ້າເປັນສະມາຊິກພັກກອມມູນິດຈີນ.
ເມ່ືອລະດູໃບໄມ້ປ່ົງປີ 1927, ທ່ານສຳເລັດການຮຽນຢູ່ໂຊວຽດແລ້ວກັບຄືນປະເທດ. ພາຍຫຼັງການຮ່ວມມືລະຫວ່າງພັກກົກມິນຕັງກັບພັກກອມມູນິດຈີນແຕກສະຫຼາຍ, ທ່ານໄດ້ປ່ຽນຊ່ືເປັນເຕິ້ງສຽວຜິງ. ເມ່ືອລະດູຮ້ອນປີ 1929, ທ່ານເດີນທາງໄປກວາງຊີໃນນາມເປັນຕົວແທນສູນກາງພັກກອມມູນິດຈີນ, ທ່ານໄດ້ລະດົມຂົນຂວາຍກໍ່ການລຸກຮືຂຶ້ນຢູ່ເມືອງໄປເຊີ້ແລະເມືອງຫຼົງໂຈວເມ່ືອເດືອນທັນວາປີ 1929 ແລະເດືອນກຸມພາປີ 1930, ສ້າງຕັ້ງກອງທັບສາຍທີ 7 ແລະສາຍທີ 8 ຂອງກອງທັບແດງກຳມະກອນຊາວນາຈີນແລະສ້າງຕັ້ງເຂດທ່ີໝັ້ນປະຕິວັດຢູ່ແມ່ນ້ຳຈໍຈ່ຽງແລະແມ່ນ້ຳອິ້ວຈ່ຽງ. ຫຼັງຈາກປີ 1931, ທ່ານໄດ້ດຳລົງຕຳແໜ່ງເລຂາທິການກົມໃຫຍ່ການເມືອງກອງທັບແດງ ບັນນາທິ ການໃຫຍ່ຂອງໜັງສືພິມ "ຫົງຊິງ" ສຽງຂອງກົມໃຫຍ່ການເມືອງ. ເດືອນຕຸລາປີ 1934 ທ່ານໄດ້ຕິດຕາມກອງທັບແດງສູນກາງເດີນທັບທາງໄກ.
ປີ 1938, ເລ່ີມດຳເນີນສົງຄາມຕໍ່ຕ້ານຍ່ີປຸ່ນ, ທ່ານດຳລົງຕຳແໜ່ງການເມືອງກອງພົນທີ 129 ກອງທັບສາຍທີ 8. ພ້ອມກັນກັບທ່ານລິວໂປເສິງ ຫົວໜ້າກອງພົນດັ້ນເລິກເຂົ້າໄປຮອດແນວຫຼັງສັດຕູຢູ່ພາກເໜືອຂອງຈີນ, ສ້າງເຂດທ່ີໝັ້ນຕໍ່ຕ້ານຍ່ີປຸ່ນ.
ໃນໄລຍະສູ້ລົບຂັ້ນແຕກຫັກທາງຍຸດທະສາດໃນສົງຄາມປົດປ່ອຍ, ທ່ານໄດ້ດຳລົງຕຳແໜ່ງເລຂາຄະນະພັກແນວໜ້າ ບັນຊາກອງທັບສະໜາມທ່ົງພຽງພາກກາງຈີນແລະກອງທັບສະໜາມພາກຕາເວັນອອກຈີນຢ່າງເປັນເອກະພາບ, ພ້ອມກັນກັບຜູ່ນຳກອງທັບສະໜາມສອງກອງດ່ັງກ່າວ, ບັນຊາບັ້ນລົບຫວຍຫາຍແລະບັ້ນລົບຕູ້ຈຽງ, ບຸກຍຶດເອົາເມືອງນານກິງ ນະຄອນຫຼວງຂອງລັດຖະບານກົກມິນຕັງ ແລະເຂດກວ້າງຂວາງຄື ຊຽງໄຮ້ ແຂວງຈຽງຊູ ແຂວງເຈີຈຽງ ແຂວງອານຮຸຍແລະແຂວງຈຽງຊີເປັນຕົ້ນ.
ເມ່ືອເດືອນກັນຍາປີ 1949, ທ່ານໄດ້ຮັບເລືອກຕັ້ງເປັນກຳມະການລັດຖະບານປະຊາຊົນຈີນສູນກາງ, ເຂົ້າຮ່ວມພິທີສະຖາປະນາປະເທດ.ເດືອນຕຸລາປີດຽວກັນ, ທ່ານໄດ້ດຳລົງຕຳແໜ່ງກຳມະການຄະນະກຳມະການການທະຫານປະຕິວັດປະຊາຊົນຈີນ. ຫຼັງຈາກນັ້ນ ທ່ານເຕິ້ງສຽວຜິງໄດ້ພ້ອມກັນກັບທ່ານລິວໂປເສິງນຳພາກອງທະຫານເຄ່ືອນທັບໄປສູ່ພາກຕາເວັນຕົກສຽງໃຕ້ຂອງຈີນ, ຍຶດເອົາແຂວງຢຸນນານ ແຂວງກຸ້ຍໂຈ່ວ ແຂວງເຊສວນແລະພາກໃຕ້ເຂດຕິເບດເປັນຕົ້ນ, ເຂົ້າຮ່ວມແລະນຳພາການຍົກທັບເຂົ້າຕິເບດແລະວຽກງານປົດປ່ອຍເຂດຕິເບດໂດຍສັນຕິ, ບັນລຸການປົດປ່ອຍແຜ່ນດິນໃຫຍ່ຈີນຢ່າງສົມບູນ.
1 2
|
