|
ໃນກອງປະຊຸມໃຫຍ່ຜູ່ແທນທ່ົວປະເທດຄັ້ງທີ 8 ຂອງພັກກອມມູນິດຈີນທ່ີຈັດຂຶ້ນເມື່ອເດືອນກັນຍາປີ 1956, ທ່ານເຕິ້ງສຽວຜິງໄດ້ອ່ານບົດລາຍງານປັບປຸງກົດລະບຽບພັກ.ໃນກອງປະຊຸມຄົບຄະນະຄັ້ງທີໜ່ຶງຂອງສູນກາງພັກກອມມູນິດຈີນສະໄໝທີ 8 , ທ່ານໄດ້ຮັບເລືອກຕັ້ງເປັນກຳມະການປະຈຳກົມການເມືອງສູນກາງພັກ ເລຂາທິການໃຫຍ່ຄະນະກຳມະການສູນກາງ, ເປັນສະມາຊິກສຳຄັນຂອງໝູ່ຄະນະນຳຮຸ້ນທຳອິດຂອງພັກກອມມູນິດຈີນເຊ່ິງແມ່ນທ່ານເມົາເຈີຕົງເປັນແກນກາງ.
ຫຼັກຈາກເລ່ີມດຳເນີນ "ມະຫາປະຕິວັດວັດທະນະທຳ" ເມ່ືອປີ 1966, ທ່ານເຄີຍສູນເສຍຕຳແໜ່ງນຳພາທັງໝົດ.
ເມ່ືອເດືອນຕຸລາປີ 1976, "ກຸ່ມສ່ີຄົນ" ຖືກທັບມ້າງ, "ມະຫາປະຕິວັດວັດທະນະທຳ" ໄດ້ສິ້ນສຸດລົງ. ກອງປະຊຸມຄົບຄະນະຄັ້ງທີສາມຂອງສູນກາງພັກກອມມູນິດຈີນສະໄໝທີ 10 ທ່ີໄຂຂຶ້ນເມ່ືອເດືອນກໍລະກົດປີ 1977 ໄດ້ຟື້ນຟູໜ້າທ່ີຕຳແໜ່ງເດີມຂອງທ່ານໃນພັກ ລັດແລະກອງທັບ.
ກອງປະຊຸມຄົບຄະນະຄັ້ງທີສາມຂອງສູນກາງພັກກອມມູນິດຈີນສະໄໝທີ 11 ທ່ີໄຂຂຶ້ນເມື່ອເດືອນທັນວາປີ 1978, ໄດ້ເລ່ີມຕົ້ນໄລຍະໃໝ່ທ່ີດຳເນີນການປະຕິຮູບໄຂປະຕູສູ່ພາຍນອກແລະສຸມກຳລັງສ້າງສາສັງຄົມນິຍົມທັນສາໄໝ. ໃນກອງປະຊຸມຄົບຄະນະເທ່ືອນີ້, ໄດ້ຈໍ່ຕົວເປັນໝູ່ຄະນະນຳຮຸ້ນທີສອງຂອງພັກກອມມູນິດຈີນເຊ່ິງແມ່ນທ່ານເປັນແກນກາງ. ໃນກອງປະຊຸມຄົບຄະນະຄັ້ງທຳອິດຂອງສູນກາງພັກກອມມູນິດຈີນສະໄໝທີ 12, ທ່ານໄດ້ຮັບເລືອກຕັ້ງເປັນກຳມະການປະຈຳກົມການເມືອງສູນກາງພັກ. ໃນກອງປະຊຸມຄົບຄະນະຄັ້ງທຳອິດຂອງຄະນະກຳມະການທ່ີປຶກສາສູນກາງ ທ່ານເຕິ້ງສຽວຜິງໄດ້ຮັບເລືອກຕັ້ງເປັນປະທານຄະນະກຳມະການ. ໃນກອງປະຊຸມຄັ້ງທຳອິດຂອງສະພາຜູ່ແທນປະຊາຊົນແຫ່ງຊາດສະໄໝທີ 6 ທ່ີໄຂຂຶ້ນເມ່ືອເດືອນມິຖຸນາປີ 1983 ທ່ານໄດ້ຮັບເລືອກຕັ້ງເປັນປະທານຄະນະກຳມະການການທະຫານສູນກາງສາທາລະນະລັດປະຊາຊົນຈີນ.
ຫຼັງຈາກກອງປະຊຸມຄົບຄະນະຄັ້ງທີສາມຂອງສູນກາງພັກກອມມູນິດຈີນສະໄໝທີ 11, ທ່ານຍຶດໝັ້ນປົດປ່ອຍແນວຄິດ ສະແຫວງຫາສັດຈະຈາກຄວາມເປັນຈິງ, ສ້າງແລະຂະຫຍາຍທິດສະດີສັງຄົມນິຍົມທ່ີມີສີສັນພິເສດຂອງຈີນ. ທິດສະດີດ່ັງກ່າວໄດ້ຕອບບັນຫາພື້ນຖານຕ່າງໆຢ່າງເປັນລະບົບສົມຄວນເທ່ືອທຳອິດກ່ຽວກັບປະເທດທ່ີເສດຖະກິດແລະວັດທະນະທຳຫຼ້າຫຼັງຄືຈີນນີ້ຈະສ້າງສາສັງຄົມນິຍົມແນວໃດ, ຈະປັບປຸງແລະພັດທະນາສັງຄົມນິຍົມແນວໃດ. ໂດຍອີງຕາມແນວຄິດຂອງທ່ານ, ກອງປະຊຸມສະໄໝທີ 13 ຂອງສູນກາງພັກກອມມູນິດຈີນໄດ້ວາງແນວທາງພື້ນຖານຂອງພັກກ່ຽວກັບສັງຄົມນິຍົມໄລຍະຕົ້ນທ່ີຖືການສ້າງສາເສດຖະກິດເປັນໃຈກາງ ຍຶດໝັ້ນສ່ີຫຼັກການພື້ນຖານ ຍຶດໝັ້ນການປະຕິຮູບໄຂປະຕູສູ່ພາຍນອກ. ທ່ານຊີ້ອອກວ່າ, ໜ້າທ່ີກົກຮາກຂອງສັງຄົມນິຍົມແມ່ນພັດທະນາກຳລັງການຜະລິດ. ນອກນີ້, ເພ່ືອແກ້ໄຂບັນຫາຮົງກົງ ມາກາວແລະໄຕ້ຫວັນ, ທ່ານໄດ້ອີງຕາມສະພາບຕົວຈິງສະເໜີໂຄງຄວາມຄິດທ່ີມີຫົວຄິດປະດິດສ້າງຄື "ປະເທດຈີນດຽວມີສອງລະບອບ".
ໃນກອງປະຊຸມຄົບຄະນະຄັ້ງທີ 5 ຂອງສູນກາງພັກກອມມູນິດຈີນສະໄໝທີ 13 ທ່ີຈັດຂຶ້ນເມ່ືອເດືອນພະຈິກປີ 1989, ທ່ານໄດ້ລາອອກຈາກຕຳແໜ່ງປະທານຄະນະກຳມະການການທະຫານສູນກາງເຊ່ິງເປັນຕຳແໜ່ງສຸດທ້າຍຂອງທ່ານ. ເມ່ືອປີ 1992 ທ່ານລົງສຳຫຼວດພາກໃຕ້ຂອງຈີນຄື ເມືອງອູຊາງ ເມືອງເຊີນເຈີນ ເມືອງຈູໄຫແລະຊຽງໄຮ້ເປັນຕົ້ນ, ແລະໄດ້ກ່າວຄຳປາໄສສຳຄັນ, ສະຫຼຸບບົດຮຽນພື້ນຖານແຕ່ປະຕິຮູບໄຂປະຕູສູ່ພາຍນອກເປັນຕົ້ນມາ. ຄຳປາໄສເທ່ືອນີ້ແລະກອງປະຊຸມຜູ່ແທນທ່ົວປະເທດຄັ້ງທີ 14 ຂອງສູນກາງພັກກອມມູນິດຈີນໄດ້ເປັນຂີດໝາຍສະແດງໃຫ້ເຫັນວ່າ ການປະຕິຮູບໄຂປະຕູສູ່ພາຍນອກແລະການສ້າງສາທັນສະໄໝຂອງຈີນໄດ້ກ້າວເຂົ້າສູ່ໄລຍະໃໝ່. ກອງປະຊຸມຜູ່ແທນທ່ົວປະເທດຄັ້ງທີ 15 ຂອງສູນກາງພັກກອມມູນິດຈີນທ່ີໄຂຂຶ້ນເມ່ືອປີ 1997, ໄດ້ຂ້ອນໂຮມທິດສະດີສ້າງສາສັງຄົມນິຍົມທ່ີມີສີສັນພິເສດຂອງຈີນເປັນທິດສະດີເຕິ້ງສຽວຜິງ, ຊີ້ອອກວ່າທິດສະດີດ່ັງກ່າວແມ່ນລັດທິມາກຍຸກປະຈຸບັນຂອງຈີນ, ແມ່ນໄລຍະໃໝ່ຂອງການຂະຫຍາຍຕົວຂອງລັດທິມາກຢູ່ຈີນ, ແລະໄດ້ກຳນົດໃນກົດລະບຽບພັກຢ່າງຈະແຈ້ງວ່າ, ພັກກອມມູນິດຈີນຖືລັດທິມາກເລນິນ ແນວຄິດເມົາເຈີຕົງແລະທິດສະດີເຕິ້ງສຽວຜິງເປັນເຂັມທິດທ່ີຊີ້ນຳການເຄ່ືອນໄຫວຂອງຕົນ. ວັນທີ 19 ກຸມພາປີ 1997, ທ່ານເຕິ້ງສຽວຜິງໄດ້ເຖິງແກ່ມໍລະນະກຳຢູ່ປັກກ່ິງ.
1 2
|
