|
ງານກິລາໂອລິມປິກອາແຕນຈະໄຂຂຶ້ນໃນໄວໆນີ້, ໃນພິທີໄຂງານຕອນຄຳ່ວັນທີ 13 ເວລາທ້ອງຖີ່ນ,ຜູ່ຊູທຸງຊາດທ່ີນຳພາຄະນະນັກກິລາບັນດາປະເທດລົງສະຫນາມນັ້ນປະຈັກຕາຄົນທ່ີສຸດ.ເພື່ອນຳຄວາມຕື່ນເຕັ້ນໃຈໃຫ້ຄົນທັງຫລາຍ,ຄະນະນັກກິລາຂອງຫລາຍປະເທດບໍ່ປະກາດລາຍຊື່ຂອງຜູ່ຊູທຸງຊາດ,ເມື່ອໄດ້ສອບຖາມຫລາຍຝ່າຍ, ນັກຂ່າວຈິ່ງໍ່ໄດ້ຮູ້ລາຍຊື່ຜູ່ຊູທຸງຂອງປະເທດສ່ວນຫນຶ່ງ, ໃນນັ້ນ ກໍ່ມີດາລາກິລາຫລືນັກກິລາອາວຸໂສທ່ີເຂົ້າຮ່ວມງານກິລາໂອລິມປິກຫລາຍຄັ້ງບໍ່ຫນ້ອຍ.ມີປະກົດການທ່ີອັນຫນຶ່ງແມ່ນນັກກິລາຢູໂດໄດ້ກວມສ່ວນຫລາຍ.
ອາເມລິກາ: ນາງສ໌ທາລີ ນັກກິລາບານບ້ວງ ປີນີ້ອາຍຸ 34 ປີ ເຂົ້າຮ່ວມງານກິລາໂອລິມປິກສາມຄັ້ງຈະກາຍເປັນຜູ່ຊູທຸງຊາດຂອງຄະນະນັກກິລາອາເມລິກາ.ໃນນາມເປັນຫນຶ່ງຂອງສະມາຊິກທິມບານບ້ວງເພດຍິງອາເມລິກາທ່ີຊີງໄດ້ແຊມປຽນໃນງານກິລາໂອລິມປິກອັກລັງຕາແລະຊິດນີ,ນາງສ໌ທາລີຍັງເປັນນັກກິລາອາເມລິກາຊີງໄດ້ແຊມປຽນໃນງານແຂ່ງຂັນບານບ້ວງຊີງຊະນະເລີດສາມຄັ້ງ.ນາງສ໌ທາລີແມ່ນນັກກິລາບານບ້ວງທ່ີເປັນຜູ່ຊູທຸງຜູ່ທຳອິດໃນປະຫວັດໂອລິມປິກອາເມລິກາ.
1 2 3 4 5 6 7 8 9 10 11 12
|
