|
"ບໍ່ມີທ່ານເຕິ້ງສຽວຜິງ,ກໍ່ບໍ່ມີການປະຕິຣູບແລະໄຂປະຕູສູ່ພາຍນອກ,ກໍ່ບໍ່ມີຊີວິດອັນດີງາມຂອງຄົນທັງຫລາຍໃນຊູ່ມື້ນີ້,ນີ້ແມ່ນຄວາມຮູ້ສຶກໃນໃຈຂອງພວກເຣົາແຕ່ລະຄົນ.ເມື່ອເຝິກກຊ້ອມແລ້ວເທື່ອໃດ,ກໍ່ເປັນການລ້າງຈິດໃຈເທື່ອນັ້ນ."ໃນເວລາພັກການເຝິກຊ້ອມ,ທ່ານເສິນເວຢາ ຜູ່ກຳກັບການສະແດງໄດ້ບອກນັກຂ່າວດ້ວຍສຽງແຫບ.ໃນເວລາຍ່າງເຂົາຫ້ອງໂຖໃຫຍ່ບັນຈຸຫນຶ່ງຫມື່ນຄົນຂອງຫໍສະພາປະຊາຊົນ,ນັກຂ່າວໄດ້ເຫັນວ່າ, ບໍ່ວ່າສິນລະປິນມີຊື່ສຽງຫລືວ່ານັກລົບທ່ີຂົນເຄື່ອງໃຊ້ໃນການສະແດງຢ່າງມິດໆໃນເວລາປິດສາກ,ນັກສະແດງແລະພະນັກງານ 1600 ກວ່າຄົນລ້ວນແຕ່ໄດ້ພະຍາຍາມສຸດຂີດ,ຍາດແຍ່ງໃຫ້ການສະແດງຂອງຕົນເອງສາມາດເຮັດເຖິງຂັ້ນຈົບງາມທ່ີສຸດ,ໄດ້ປະສານສົມທົບກັນຢ່າງກົມກຽວກັນ.
ເພື່ອລະລຶກວັນຄ້າຍວັນເກີດຂອງທ່ານເຕິ້ງສຽວຜິງຄົບຮອບ 100ປີ, ລານລາຕີສິນລະປະກຳທ່ີມີຫົວເລື່ອງວ່າ"ສະບາຍດີທ່ານເຕິ້ງສຽວຜິງ"ທ່ີມີຂະຫນາດໃຫຍ່ ເຕັມໄປດ້ວຍຄວາມຮັກແພງອັນຈິງໃຈ ສະຫງ່າເຄັ່ງຂືມແລະມ່ວນຊຶ່ນປົດຟື້ນ ເຊິ່ງເຕັມໄປດ້ວຍຄວາມອາໄລອາວອນຢ່າງສຸດເຊິ່ງຂອງປະຊາຊົນຈີນບັນດາເຜົ່າທ່ີມີຕໍ່ທ່ານເຕິ້ງສຽວຜິງແລະໄດ້ທຸ່ມເຫື່ອເທແຮງຂອງພະນັກງານສິນລະປິນທົ່ວປະເທດຈີນໄດ້ເຂົ້າສູ່ໄລຍະເຝິກກຊ້ອມຂັ້ນສຸດທ້າຍແລ້ວ.
ທ່ານເຈິ່ງຊິ້ງຫວຍ ຜູ່ວາງແຜນງານລາຕີດ່ັງກ່າວບອກນັກຂ່າວວ່າ:"ພວກເຮົາລ້ວນແຕ່ຢາກມອບສຽງເພງທ່ີໄພເລະມ່ວນຫູທ່ີສຸດໃນດວງໃຈພວກເຮົາແດ່ທ່ານເຕິ້ງສຽວຜິງ".ເພື່ອໃຫ້ງານລາຕີມີຄວາມຫມາຍໃຫມ່ ມີອາລົມຈິງໃຈ,ຄົນທັງຫລາຍໄດ້ອອກຫົວຄິດປະດິດສ້າງຢ່າງສຸດອົກສຸດໃຈ.
ເມື່ອບຸນກຸດຈີນປີນີ້ຫາກໍ່ຜ່ານໄປ,ຄົນທັງຫລາຍຍັງຈົມຢູ່ໃນບັນຍາກາດຍາມບຸນ,ຄະນະຈັດງານລາຕີກໍ່ໄດ້ເລືອກຕັ້ງສິນລະປິນທ່ີມີລະດັບອ່າວສູງແລະມີບົດຮຽນອຸດົມສົມບູນງວດຫນຶ່ງປະກອບເປັນຫນ່ວຍງານແຜນ,ເພື່ອວາງແຜນໂດຍຈຳເພາະ.
ທ່ານເຈິ່ງຊິ້ງຫວຍສະເຫນີວ່າ:"ຍ້ອນທ່ານເຕິ້ງສຽວຜິງບໍ່ມັກໂຄສະນາຕົນເອງ,ສະນັ້ນ ການຟ້ອນແລະຜົນງານສິນລະປະກ່ຽວກັບທ່ານເຕິ້ງສຽວຜິງຈິ່ງມີຫນ້ອຍທ່ີສຸດ.ສະນັ້ນ ທ່ານເຮັດແນວໃດຜ່ານງານສິນລະປະກຳເທື່ອນີ້ມາສະແດງເຖິງຄຸນງາມຄວາມດີຂອງທ່ານເຕິ້ງສຽວຜິງນັ້ນໄດ້ເປັນບັນຫາທ່ີໃຫຍ່ກວ່າຫມູ່ທ່ີພວກເຮົາປະເຊີນ."ຄຳເວົ້າຂອງທ່ານຊຸເຈ່ຍເຈິ້ງ ລັດຖະມົນຕີກະຊວງວັດທະນະທຳຈີນໄດ້ເປີດແລວຄວາມຄິດຂອງຄົນທັງຫລາຍ, ທ່ານເວົ້າວ່າ:"ສິນລະປະຕ້ອງຖືຄົນເປັນກົກ,ການສະແດງຕ້ອງຖືສິນລະປິນເປັນກົກ,ຖືການສະເທືອນໃຈຜູ່ຊົມເປັນກົກ,ບໍ່ຈຳເປັນຕ້ອງມີຂະຫນາດໃຫຍ່ໂຕ."
1 2
|
