|
|
 |
| (GMT+08:00)
2004-08-19 15:33:11
|
 |
|
ຢູ່ຮ່ວມກັນກັບລະດູບານໃຫມ່---- ບັນທຶກການຊ້ອມງານສິນລະປະຂະຫນາດໃຫຍ່ເພື່ອລະລຶກວັນຄ້າຍວັນເກີດຂອງທ່ານເຕິ້ງສຽວຜິງຄົບຮອບ 100 ປີ
cri
ສະນັ້ນ ຜູ່ປະດິດຄິດແຕ່ງຕົ້ນຕໍທຸກຄົນໄດ້ຄົ້ນຄວ້າຂໍ້ມູນເອກະສານແລະຮູບເງົາກ່ຽວກັບທ່ານເຕິ້ງສຽວຜິງທ່ີຊອກໄດ້ນັ້ນຢ່າງລະອຽດ,ສົນທະນາແລະສຳພາດຜູ່ກ່ຽວຂ້ອງຢ່າງບໍ່ຢຸດຢັ້ງ,ອັນໄດ້ສະຫນອງຄວາມບັນດານໃຈໃຫ້ແກ່ງານລາຕີໂດຍສະເພາະແມ່ນທ່ານນາງເຕິ້ງຢົງ ລູກສາວຂອງທ່ານເຕິ້ງສຽວຜິງ ລູກສາວຂອງທ່ານເຕິ້ງສຽວຜິງໄດ້ມາຮອດຫນ່ວຍຈັດງານລາຕີ,ໄດ້ເລ່ົາເລື່ອງລາວຂອງທ່ານເຕິ້ງສຽວຜິງໃນສາຍຕາຂອງຄອບຄົວ,ນີ້ໄດ້ກະຕຸ້ນໃຈຜູ່ປະດິດຄິດແຕ່ງຢ່າງເລິກເຊິ່ງ,ທ່ານນາງເວົ້າວ່າ:ໃນໄວເຖົ້າແກ່ຊະລາ,ທ່ານເຕິ້ງສຽວຜິງໄດ້ປູກຕົ້ນເຊີຣີຢູ່ໃນເດີ່ນບ້ານ,ໃນເວລາຫມາກເຊີຣີສຸກໃນລະດູໃບໄມ້ຫລົ່ນແຕ່ລະປີ,ທ່ານກໍ່ຈະເດັດເອົາຫມາກເຊີຣີລົງມາແບ່ງໃຫ້ລູກຫລານແລະພະນັກງານຂອງທ່ານ,ເທື່ອໃດກໍ່ຍັງຈະຈົ່ງໄວ້ຫລາຍລູກໃຫ້ນົກນ້ອຍທ່ີບິນຜ່ານ.ຜູ່ປະດິດຄິດແຕ່ງລົງມືຈາກເລື່ອງນີ້, ໄດ້ແຕ່ງເພງໃຫມ່ເພງຫນຶ່ງທ່ີຊື່ວ່າ: ຫມາກເຊີຣີສຸກແລ້ວແກ່ງານລາຕີດ່ັງກາວໂດຍຈຳເພາະ,ໂດຍລົງມືຈາກເລື່ອງເລັກເລື່ອງນ້ອຍ,ສະແດງໃຫ້ເຫັນສະເຫນທ່າແຫ່ງບຸກຄະລິກກະພາບອັນສູງສົ່ງຂອງທ່ານເຕິ້ງສຽວຜິງ.
ກໍ່ແມ່ນບ້ອນພະນັກງານທຸກຖ້ວນຫນ້າໄດ້ພະຍາຍາມຢ່າງບໍ່ລົດລະ,ເລີ່ມແຕ່ວັນທີ 20 ກໍລະກົດເປັນຕົ້ນມາ,ງານລາຕີໄດ້ເຂົ້າສູ່ຂັ້ນຕອນນັບເວລາຄືນຫລັງແລ້ວ.ທ່ານເສິນເວຢາ ຜູ່ກຳກັບການສະແດງສະເຫນີວ່າ:"ນີ້ແມ່ນງານລາຕີຂະຫນາດໃຫຍ່ທ່ີຖືການຮ້ອງແລະການຟ້ອນເປັນຕົ້ນຕໍ,ທັງມີການສະແດງກາຍະສິນ ດົນຕີຊິນໂຟນີ ແລະງິ້ວປັກກິ່ງເປັນຕົ້ນ.ງານລາຕີໄດ້ດຳເນີນໄປໂດຍມູນອ້ອມຫົວຂໍ້ກົກຂອງຄຳເວົ້າຂອງທ່ານເຕິ້ງສຽວຜິງທ່ີວ່າ'ຂ້າພະເຈົ້າແມ່ນລູກຊາຍຂອງປະຊາຊົນຈີນ, ຂ້າພະເຈົ້າຮັກຫອມປະເທດຊາດແລະປະຊາຊົນຂອງຂ້າພະເຈົ້າຢ່າງເລິກເຊິ່ງ.' ເຊິງລົງມືຈາກລະດູ ບານໃຫມ່ທ່ີມີຄວາມຫມາຍເປັນສັນຍະລັກ,ໄດ້ສະແດງໃຫ້ເຫັນຄຸນງາມຄວາມດີແລະຄວາມເປັນຜູ່ຍິ່ງໃຫຍ່ຂອງທ່ານເຕິ້ງສຽວຜິງຢ່າງເຕັມສ່ວນ, ບັນລະຍາຍຄວາມຮັກແພງແລະຄວາມຄິດຮອດຄິດເຖິງຢ່າງເລິກເຊິ່ງຂອງປະເທດຊາດແລະຊາຊົນທ່ີມີຕໍ່ທ່ານເຕິ້ງສຽວຜິງ."
ເຖິງວ່າດຶກແລ້ວກໍ່ຕາມ, ແຕ່ການເຝິກຊ້ອມຢູ່ໃນຫໍສະພາປະຊາຊົນຍັງພວມດຳເນີນຢູ່.ສຽງຂອງຜູ່ກຳກັບທ່ີສ່ົງມາຈາກໂທລະໂຂ່ງຍັງພວມດັງກ້ອງຢູ່ໃນທຸກມຸມທຸກແຈຂອງຫໍສະພາປະຊາຊົນ. ພະນັກງານນັກສະແດງ 1600 ກວ່າຄົນພວມຫັນຄວາມເຄົາລົບນັບຖືແລະຄວາມອາໄລອາວອນຂອງຕົນທ່ີມີຕໍ່ທ່ານເຕິ້ງສຽວຜິງມາເປັນຄວາມເວົາປະໂຫຍກຫນຶ່ງທ່ີເຕັມໄປດ້ວຍຄວາມຮັກແພງອັນເລິກເຊິ່ງຄື:ສະບາຍດີທ່ານເຕິ້ງສຽວຜິງ.
1 2
|
|
|
