|
ບ້ານຊີ່ຕີ້ແລະບ້ານຮົງຊຸ່ນຂອງແຂວງອ່ານຮຸ່ຍ ພາກຕາເວັນອອກສຽງໃຕ້ຂອງຈີນລືຊາຜາ ກົດໃນທົ່ວໂລກດ້ວຍທິວທັດທົ່ງນາອັນສວຍງາມ ບ້ານຊ່ອງບູຮານທີ່ຮັກສາໄວ້ຢ່າງຄົບຖ້ວນ ສິ່ງກໍ່ສ້າງເຮືອນຢູ່ທີ່ມີສີໄມ້ລາຍມືຍອດຢ້ຽມແລະມີເນື້ອໃນປະຫວັດສາດວັດທະນະ ທຳອັນຫຼາຍຫຼາຍສີສັນ.ປີ1999,ບ້ານຊີ່ຕີ້ແລະບ້ານຮົງຊຸ່ນຖືກຈັດເຂົ້າໃນບັນຊີລາຍຊື່ມໍລະດົກໂລກ.
ກ່ອນສະເໜີບ້ານຊີ່ຕີ້ແລະບ້ານຮົງຊຸ່ນ,ເຮົາຂໍລົມກ່ຽວກັບສິ່ງກໍ່ສ້າງຝ່າຍຮຸ່ຍທີ່ມີຊື່ດັງຂອງຈີນ.ສິ່ງກໍ່ສ້າງຝ່າຍຮຸ່ຍແມ່ນຮູບການສິ່ງກໍ່ສ້າງເຮືອນຢູ່ປະຊາຊົນທີ່ຈໍ່ຕົວຂຶ້ນຢູ່ເຂດຮຸ່ຍໂຈ່ວ ແຂວງອ່ານຮຸ່ຍໃນສະໄໝລາດຊະວົງຖາງແລະຊົ້ງ.ຍ້ອນວ່າເຂດຮຸ່ຍໂຈ່ວມີພູສູງຜາຊັນ, ນ້ຳຫ້ວຍກ້ຽວກອດ,ສະນັ້ນ,ເຮືອນຢູ່ໄທບ້ານບູຮານທີ່ມີສີສັນສິ່ງກໍ່ສ້າງຝ່າຍຮຸ່ຍສ່ວນຫຼາຍກໍ່ສ້າງຢູ່ຕາມພູແລະແຄມນ້ຳ,ສະແຫວງຫາຄວາມເປັນທຳມະຊາດແລະພຶ້ນບ້ານ.
ບ້ານຊີ່ຕີ້ແລະບ້ານຮົງຊຸ່ນທີ່ຕັ້ງຢູ່ເມືອງອີ່ ພາກໃຕ້ແຂວງອ່ານຮຸ່ຍກໍແມ່ນບ້ານບູຮານສອງແຫ່ງທີ່ເປັນຕົວແທນໃຫ້ແກ່ສິ່ງກໍ່ສ້າງຝ່າຍຮຸ່ຍ.
ບ້ານຊີ່ຕີ້ເລີ່ມກໍ່ສ້າງແຕ່ລາດຊະວົງຊົ້ງເໜືອ,ຈົນຮອດປະຈຸບັນນີ້ໄດ້ມີປະຫວັດມາພັນປີແລ້ວ.ໝົດບ້ານເປັນຮູບເຮືອ,ມີພູອ້ອມສີ່ດ້ານ,ແລະມີນ້ຳຫ້ວຍສອງສາຍໄຫຼຜ່ານບ້ານໄປ. ຖະໜົນຫົນທາງໃນບ້ານແມ່ນສ້າງຂຶ້ນຢູ່ແຄມນ້ຳຫ້ວຍແລະປູດ້ວຍຫີນ.ສ່ິງກໍ່ສ້າງບູຮານທີ່ຢູ່ສອງຟາກຖະໜົນສ່ວນຫຼາຍແມ່ນປຸກດ້ວຍໄມ້,ມີຫຼັງຄາຮູບແຫຼມສີມົ່ນ,ແລະອ້ອມດ້ວຍກຳແພງດິນຈີ່ສີຂາວອັນສູງສະຫງ່າ,ເປັນວາດງາມສະອາດຕາ,ປະສານກັນກັບທິວທັດພູຜາແມ່ນ້ຳອັນສວຍງາມ,ກາຍເປັນທິວທັດທີ່ເປັນເອກະພົບດຽວ.
ປະຈຸບັນນີ້,ບ້ານຊີ່ຕີ້ຍັງໄດ້ອະນຸລັກເຮືອນຢູ່ໄທບ້ານລາດຊະວົງມີງແລະເຊັ່ງ120ກວ່າຫຼັງ, ສິ່ງກໍ່ສ້າງຊະນິດຕ່າງໆ ເຊັ່ນສາລາ ສວນ ຫໍແລະປະຕູໂຂງເປັນຕົ້ນລ້ວນແຕ່ແມ່ນແບບ ຢ່າງອັນດີເດັ່ນຂອງສິລະປະສິ່ງກໍ່ສ້າງຝ່າຍຮຸ່ຍ.ສວນດອກໄມ້ທີ່ງາມປານີດ ຂອບປະຕູທີ່ກໍ່ດ້ວຍຫີນອ່ອນສີດຳ ຕຶກ ສາລາແລະຫໍທີ່ຄວັດດ້ວຍດີນຈີ່,ພ້ອມດ້ວຍຮູບຄວັດຫີນ ຮູບຄວັດໄມ້ທີ່ສວຍງາມ,ຮູບແຕ້ມ ຮູບແຕ້ມຝາພະໜັງທີ່ສວຍສົດງົດງາມລ້ວນແຕ່ແມ່ນສ່ິງຍອດຢ້ຽມຂອງສິລະປະສະໄໝບູຮານຈີນ.ສະນັ້ນ,ບ້ານຊີ່ຕີ້ຖືກຂະໜານນາມເປັນພາບຫຍໍ້ຂອງວັດທະນະທຳດັ້ງເດີມຂອງຈີນແລະຫໍພິພິດທະພັນເຮືອນຢູ່ປະຊາຊົນໃນລາດຊະວົງມີງເຊັ່ງຂອງຈີນ.
1 2
|
