|
ບ້ານຮົງຊຸ່ນສ້າງຂຶ້ນນຳຫຼັງບ້ານຊີ່ຕີ້,ໄດ້ມີປະຫວັດມາເກືອບ900ປີ. ຍ້ອນວ່າແຫ່ງນີ້ຕັ້ງຢູ່ເທິງພູ,ມັກປົກຫຸ້ມໄປດ້ວຍເມກໝອກ,ຍາມໃຕ້ແສງອາລຸນ,ເບິ່ງແລ້ວຄືຮູບແຕ້ມພູຜາແມ່ ນ້ຳຂອງຈີນ,ສະນັ້ນ,ເພິ່ນຈຶ່ງເອີ້ນບ້ານຮົງຊຸ່ນເປັນບ້ານທີ່ໃນຮູບແຕ້ມຈີນ.
ບ້ານຮົງຊຸ່ນມີເນື້ອທີ່ກວ້າງປະມານ19ເຮັກຕາ,ເບິ່ງຈາກບ່ອນສູງ,ທົ່ວບ້ານຄືຮູບຄວາຍຕູ້ໂຕໜຶ່ງທີ່ພວມໝູນຢູ່ເທິງຢູ່ໜ້າພູແລະແຄມນ້ຳຫ້ວຍ.ຄວນເວົ້າວ່າ,ບ້ານຮູບຄວາຍຕູ້ແລະລະບົບນ້ຳທີ່ອອກແບບແລະກໍ່ໂດຍຊາວບ້ານຮົງຊຸ່ນບູຮານແມ່ນເລື່ອງອັດສະຈັນໃນປະ ຫວັດສິ່ງກໍ່ສ້າງ.ບ້ານຮົງຊຸ່ນຖືດິນໂນນເປັນ "ຫົວຄວາຍ",ຈຸ້ມເຮືອນຢູ່ປະຊາຊົນທີ່ຢອງຢາຍ ກັນແຕ່ທິດຕາເວັນອອກຮອດທິດຕາເວັນຕົກປານ "ຄວາຍຕູ້"ໂຕໃຫຍ່ພິລຶກ,ສະນ້ຳຮູບຊີກ ວົງເດືອນກາງບ້ານຖືກເອີ້ນເປັນ "ກະເພາະອາຫານຂອງຄວາຍ",ນ້ຳຫ້ວຍຍາວ400ກວ່າແມັດສາຍໜ່ຶງກ້ຽວໄປມາໃນ "ທ້ອງຄວາຍ",ຖືກເອີ້ນເປັນ "ລຳໄສ້ຂອງຄວາຍ".ຢູ່ເທິງນ້ຳ ຫ້ວຍທີ່ສົ້ນຕາເວັນຕົກຂອງບ້ານໄດ້ກ່າຍຂົວໄມ້ສີ່ແຫ່ງ,ຖືກເອີໜເປັນ "ຕີນຄວາຍ".ການອອກແບບລະບົບນ້ຳທີ່ມີຄວາມຄຶດປະຫຼາດຂອງບ້ານຮົງຊຸ່ນ,ເຮັດໃຫ້ໝົດທຸກຄອບຄົວມີ ນ້ຳສະອາດໄຫຼຜ່ານໜ້າເຮືອນ,ໄດ້ອຳນວຍຄວາມສະດວກໃຫ້ແກ່ຊາວບ້ານທີ່ໃຊ້ນ້ຳໃນການຜະລິດ ການດຳລົງຊີວິດແລະການດັບເພີງຂອງໄທບ້ານ,ເປັນການໄດ້ປັບອຸນຫະພູມ, ແລະສ້າງສິ່ງແວດລ້ອມອັນດີງາມໄປພ້ອມ.
ຈົນຮອດປະຈຸບັນນີ້,ບ້ານຮົງຊຸ່ນຍັງຮັກສາໄວ້ເຮືອນຢູ່ບູຮານລາດຊະວົງມີງເຊັ່ງ140ກວ່າຫຼັງ,ໃນນັ້ນ,ຫໍເຊິງຈື້ແມ່ນສິ່ງກໍ່ສ້າງທີ່ໃຫຍ່ກວ່າໝູ່ແລະງາມປານີດກວ່າໝູ່,ຖືກຂະໜານນາມເປັນພະລາດຊະວັງກູ້ກົ່ງພົນລະເຮືອນ.
ຈຸ້ມສິ່ງກໍ່ສ້າງເຮືອນຢູ່ປະຊາຊົນຂອງລາດຊະວົງມີງແລະເຊ່ັງໃນບ້ານຊີ່ຕີ້ແລະບ້ານຮົງຊຸ່ນໄດ້ເຊື່ອມໂຍງເຂົ້າກັນກັບທຳມະຊາດຢ່າງສະໜິດແໜ້ນ,ສ້າງສິ່ງແວດລ້ອມດຳລົງຊີວິດທີ່ທັງສອດຄ່ອງກັບຫຼັກວິທະຍາສາດທັງມີສີສັນ,ແມ່ນສິ່ງຍອດຢ້ຽມຂອງເຮືອນຢູ່ປະຊາຊົນດັ້ງເດີມຂອງຈີນ.ຄະນະກຳມະການມໍລະດົກໂລກຕີລາຄາວ່າ,ບ້ານຊີ່ຕີ້ແລະບ້ານຮົງຊຸ່ນແມ່ນມໍລະດົກວັດທະນະທຳທີ່ມີສີສັນພິເສດທີ່ສຸດ.
1 2
|
