|
ເຂດທ່ອງທ່ຽວມັງກອນເຫຼືອງທີ່ຕັ້ງຢູ່ແຂວງເຊສວນ ພາກຕາເວັນຕົກສຽງໃຕ້ຂອງຈີນລືຊາຜາກົດໄປທົ່ວໂລກດ້ວຍທິວທັດອັດສະຈັນສີ່ຢ່າງ ເຊັ່ນສະນ້ຳມີສີ ພູຫິມະ ຮ່ອມພູແລະປ່າໄມ້.ປີ1992,ເຂດທ່ອງທ່ຽວມັງກອນເຫຼືອງຖືກຈັດເປັນມໍລະດົກທຳມະຊາດຂອງໂລກ.
ເຂດທ່ອງທ່ຽວມັງກອນເຫຼືອງທີ່ມີຊື່ສຽງດົ່ງດັງຕັ້ງຢູ່ພາກເໜືອແຂວງເຊສວນ,ແມ່ນແຖບຮ່ອມພູຜືນໃຫຍ່ທີ່ປະກອບດ້ວຍພູຫິມະແລະລານນ້ຳກ້າມ,ເນື້ອທີ່ທັງໝົດກວ້າງປະມານ 1000ຕາລາງກິໂລແມັດ.
ສະນ້ຳມີສີແມ່ນທິວທັດອັດສະຈັນແຫ່ງທຳອິດຂອງເຂດທ່ອງທ່ຽວມັງກອນເຫຼືອງ.ສະນ້ຳມີສີແມ່ນຈໍ່ຕົວຂຶ້ນຍ້ອນທໍລະນີອັນພິເສດຂອງແຫ່ງນີ້.ເຂດທ່ອງທ່ຽວມັງກອນເຫຼືອງມີທິວທັດທີ່ໜ້າດິນເປັນປູນເຊິ່ງເຫັນໜ້ອຍໃນໂລກ,ໜ້າດິນທີ່ເປັນປູນເຫຼົ່ານີ້ປະກົດມີສີຕ່າງໆ,ໃຕ້ແສງຕາເວັນກໍຈໍ່ຕົວຂຶ້ນເປັນສະນ້ຳມີສີທີ່ສວຍງາມຢ່າງຫຼວງຫຼາຍ. ໃນເຂດທ່ອງທ່ຽວມັງ ກອນເຫຼືອງ,ມີເຂດໜຶ່ງຍາວ4ກິໂລແມັດ,ກວ້າງ30ແມັດຫາ170ແມັດ,ຍ້ອນໜ້າດິນເປັນປູນຈຶ່ງເປັນສີຄຳ,ຄືຮູບມັງກອນເຫຼືອງໂຕໃຫຍ່,ສະນັ້ນ,ຄົນທັງຫຼາຍຈຶ່ງເອີ້ນເປັນເຂດທ່ອງທ່ຽວມັງກອນເຫຼືອງ.ຢູ່ເຂດທ່ອງທ່ຽວແຫ່ງນີ້ມີສະນ້ຳມີສີ3400ກວ່າແຫ່ງ,ໃນນັ້ນ,ສະນ້ຳທີ່ໃຫຍ່ກວ່າໝູ່ກວ້າງເກືອບ1ໝື່ນແມັດຕາ,ສະນ້ຳທີ່ນ້ອຍກວ່າໝູ່ມີແຕ່ສອງສາມແມັດຕາທໍ່ນັ້ນ. ສະນ້ຳເຫຼົ່ານີ້ມີຮູບຕ່າງກັນຈົນນັບບໍ່ຖ້ວນ,ມີບາງແຫ່ງຄືຕີນມ້າ ບາງແຫ່ງຄືຝ່າມື ບາງແຫ່ງຄືໝາກຖົ່ວຍາວ ຍັງມີບາງແຫ່ງຄືຫົວງົວ.ຢູ່ອ້ອມສະນ້ຳມີປ່າໄມ້ອນັຕຶບໜາ,ຂຽວອຸ່ມທຸ່ມຕະຫຼອດປີ,ແມ່ນແດນສະຫວັນຂອງນົກນ້ຳຢ່າງຫຼວງຫຼາຍ.
1 2 3
|
