|
|
 |
| (GMT+08:00)
2004-09-01 15:02:17
|
 |
|
ເຂດທ່ອງທ່ຽວມັງກອນເຫຼືອງ(ສຽງ)
cri
Author: zs
ທິວທັດປ່າໄມ້ດຶກດຳບັນຜືນໃຫຍ່ແມ່ນທິວທັດອັດສະຈັນແຫ່ງທີ່ສີ່ໃນເຂດທ່ອງທ່ຽວມັງ ກອນເຫຼືອງ.ດິນຟ້າອາກາດແຫ່ງນີ້ແຕກຕ່າງກັນໄປຕາມຄວາມສູງຕ່າງກັນ,ໄດ້ອຳນວຍ ເງື່ອນໄຂອັນເໝາະສົມໃຫ້ແກ່ພຶກສາຊາດຊະນິດຕ່າງໆ.ຢູ່ບ່ອນນີ້,ທັງມີປ່າໄມ້ໃບໃຫຍ່ເຂດມໍ່ແຖບຮ້ອນ ທັງມີປ່າໄມ້ໃບຮູບແລບແຖບໜາວ.ປ່າໄມ້ດຶກດຳບັນທີ່ກວ້າງສຸດສາຍຕາ ຂຽວອຸ່ມທຸ່ມ,ໄດ້ອຳນວຍບ່ອນອອກແມ່ແຜ່ລູກໃຫ້ແກ່ສັດປ່າຢ່າງຫຼວງຫຼາຍ.ຕາມສະຖິຕິ,ໃນເຂດທ່ອງທ່ຽວມັງກອນເຫຼືອງມີພຶກສາຊາດຊັ້ນສູງ1500ກວ່າຊະນິດ,ໃນນັ້ນສ່ວນຫຼາຍແມ່ນມີແຕ່ຢູ່ຈີນຈຶ່ງມີ.ສັດຫາຍາກມີເກືອບຫຼາຍຮ້ອຍຊະນິດ ເຊັ່ນໝີແພນດາ ລີງຂົນເຫຼືອງ ກວາງສົບຂາວເປັນຕົ້ນ.
ນອກຈາກທິວທັດທຳມະຊາດທີ່ສວຍງາມແລ້ວ,ເຂດທ່ອງທ່ຽວມັງກອນເຫຼືອງຍັງແມ່ນບ່ອນຕັ້ງພູມລຳເນົາຂອງບາງຊົນເຜ່ົາສ່ວນໜ້ອຍ ເຊັ່ນເຜ່ົາຕິເບດແລະເຜ່ົາຊ່ຽງເປັນຕົ້ນ.ຮີດຄອງປະເພນີຫຼາຍສີຫຼາຍສັນຂອງປະຊາຊົນບັນດາຊົນເຜ່ົາແຫ່ງນີ້ໄດ້ເພີ່ມສີສັນວັດທະນະທຳມະນຸດທີ່ມີສະເໜໃຫ້ແກ່ທິວທັດທຳມະຊາດໃນເຂດມັງກອນເຫຼືອງ.ປີ1992ເຂດທ່ອງທ່ຽວມັງກອນເຫຼືອງຖືກອົງການຢູເນັສໂກຈັດເຂົ້າບັນຊີລາຍຊື່ມໍລະດົກທຳມະຊາດຂອງໂລກ.ຜູ່ຊ່ຽວຊານມໍລະດົກໂລກຕີລາຄາວ່າ: "ເຂດທ່ອງທ່ຽວມັງກອນເຫຼືອງມີຮູບໜ້າດິນເປັນພິເສດ,ທິວທັດທຳມະຊາດສວຍງາມເຊິ່ງເຫັນໜ້ອຍໃນໂລກ,ພ້ອມກັນນັ້ນ, ບ່ອນນີ້ຍັງມີຄຸນຄ່າດ້ານວິທະຍາສາດແລະສິລະປະ,ເປັນໜ້າເຮັດໃຫ້ມວນມະນຸດຖະໜອມຮັກແລະຫວງແຫງ."
1 2 3
|
|
|
