|
|
 |
| (GMT+08:00)
2004-09-02 17:05:42
|
 |
|
ທ່ານເຟີ້ຍຊຽງກັບເພງຂອງທ່ານ(ພາບ)
cri
ທ່ານເຟີ້ຍຊຽງເກີດຢູ່ໃຕ້ຫວັນ, ພາຍຫຼັງຮຽນຈົບຈາກມັດທະຍົມປາຍແລ້ວ, ທ່ານໄດ້ໄປຮຽນໂອເປລາຢູ່ອາເມລິກາ. ເມ່ືອອາຍຸ21ປີ, ທ່ານໄດ້ກັບມາໃຕ້ຫວັນເຂົ້າຮ່ວມການສະແດງເລ່ືອງໂທລະພາບເລື່ອງໜຶ່ງ, ຈາກນັ້ນ, ທ່ານໄດ້ກ້າວຂຶ້ນສູ່ເວທີເພງຢ່າງບັງເອີນ. ພາຍຫຼັງແຜ່ນຊີດີແຜ່ນທຳອິດຂອງທ່ານທ່ີຊ່ືວ່າLiulian ອາໄລອາວອນ ໄດ້ນຳອອກຈຳໜ່າຍ, ກໍດັງຢ່າງໃຫຍ່, ຈາກນັ້ນມາ, ທ່ານໄດ້ອັດຈຳໜ່າຍແຜ່ນຊີດີອີກ8ແຜ່ນຢ່າງລຽນຕິດ, ໄດ້ຂ້ຶນຊ່ືລືນາມຢູ່ໃຕ້ຫວັນແລະທົ່ວພາກພື້ນອາຊີອາຄະເນ.
ທ່ີທ່ານພວມຟັງຢູ່ນ້ີແມ່ນເພງLiulian ອາໄລອາວອນ ເຊ່ິງເປັນເພງເອກໃນຊີດີແຜ່ນທຳອິດຂອງທ່ານເຟີ້ຍຊຽງ. ມີທຳນອງລ່ຽນໄຫຼ, ສຽງເພງກໍມ່ວນອອນຊອນ, ໄດ້ສ່ອງແສງໃຫ້ເຫັນການສະແຫວງຄວາມຮັກອັນບໍລິສຸດຂອງຊາວໜຸ່ມ.
ທ່ີຟັງມານັ້ນແມ່ນເພງLiulianຂັບຮ້ອງໂດຍທ່ານເຟີ້ຍຊຽງ.
ປີ1986, ທ່ານເຟີ້ຍຊຽງໄດ້ອັດຈຳໜ່າຍແຜ່ນຊີດີທີ່ໃສ່ຊື່ວ່າ Kuayuesihaidegesheng ແປວ່າສຽງເພງດັງກ້ອງມະຫາສະໝຸດທັງສີ ເຊ່ິງເປັນແຜ່ນຊີດີແຜ່ນທຳອິດທີ່ທ່ານອັດຈຳໜ່າຍຢູ່ກວາງໂຈວ, ທ່ານແມ່ນ ສິລະປິນໃຕ້ຫວັນຜູ່ທຳອິດທ່ີເຂົ້າສູ່ເວທີເພງເຂດໃນຈີນ. ການສະແດງໃນງານລາຕີສະຫລອງບຸນກຸດຈີນໃນປີ1987, ໄດ້ເປັນບາດລ້ຽວໃຫຍ່ໃນວຽກງານການຂັບຮ້ອງຂອງທ່ານເຟີ້ຍຊຽງ. ໃນ3ປີຫຼັງຈາກນັ້ນ, ທ່ານໄດ້ອັດຈຳໜ່າຍຊີດີອີກ5ແຜ່ນເຊັ່ນ: Sihaiyixin ມະຫາສະໝຸດທັງສີ່ເປັນໃຈດຽວກັນ ເປັນຕົ້ນ, ຈຳໜ່າຍໄດ້ຕັ້ງ 20 ລ້ານແຜ່ນຊຶ່ງເປັນຕົວເລກມະຫຶມາ. ຫຼັງຈາກນັ້ນ, ທ່ານໄດ້ໄປຈັດງານສະແດງຢູ່ຕາມ 12 ຕົວເມືອງຂອງຈີນຢ່າງຕໍ່ເນ່ືອງ, ການສະແດງ 63 ຮອບ ມີຄົນເຂົ້າເບິ່ງເຕັມໝົດສູ່ຮອບ, ອັນໄດ້ສ້າງສະຖິຕິສູງສຸດໃນການສະແດງຂອງສ່ວນບຸກຄົນບົນເວທີເພງສະໄໝນິຍົມຂອງຈີນ.
ເຈົ້າກ່ໍຄືທວນໄຟໃນລະດູໜາວ, ໄຟລຸກວູ່ໆເຮັດໃຫ້ໃຈຂ້ອຍອົບອຸ່ນ, ເຈົ້າຢາກເຂົ້າໃກ້ຂ້ອຍເທື່ອໃດ, ແສງໄຟກໍໃຫ້ຄວາມສະຫວ່າງ ແກ່ຂ້ອຍ.
ທີ່ຟັງມານັ້ນແມ່ນເພງDongtianlideyibahuo ທວນໄຟໃນລະດູໜາວ, ຈັງຫວະສະຕິງ, ຂັບຮ້ອງໂດຍທ່ານເຟີ້ຍຊຽງ.
1 2 3
|
|
|
